Аъзои Маҷлиси миллӣ масъалаҳои марбут ба ҳаёти сиёсию иқтисодии ҷомеаро баррасӣ менамоянд

ДУШАНБЕ, 19.07.2018 /АМИТ «Ховар»/. 2 августи соли равон дар шаҳри Душанбе иҷлосияи шонздаҳуми Маҷлиси миллии Маҷлиси Олии Ҷумҳурии Тоҷикистон, даъвати панҷум доир мегардад. Дар ин бора ба АМИТ «Ховар» аз палатаи болоии Парлумони мамлакат хабар доданд.

Дар иҷлосияи шонздаҳуми Маҷлиси миллӣ Қонуни конститутсионии Ҷумҳурии Тоҷикистон «Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон «Дар бораи раъйпурсии Ҷумҳурии Тоҷикистон», қонунҳои Ҷумҳурии  Тоҷикистон «Дар бораи ворид намудани тағйиру иловаҳо ба  Кодекси ҷиноятии Ҷумҳурии Тоҷикистон», «Дар бораи  ҳифзи маълумоти шахсӣ», «Дар бораи дурнамоҳои  давлатӣ, консепсияҳо, стратегияҳо ва барномаҳои рушди  иҷтимою иқтисодии Ҷумҳурии Тоҷикистон», «Оид ба ворид намудани тағйиру иловаҳо ба  Қонуни Ҷумҳурии Тоҷикистон «Дар бораи муҳоҷират» ва дигар масъалаҳои муҳими марбут ба ҳаёти сиёсию иқтисодӣ ва иҷтимоию фарҳангии мамлакат баррасӣ ва ҷонибдорӣ мегарданд.