БДА дар Душанбе дар як ҳафта шаш ронандаи мастро боздошт намуд
ДУШАНБЕ, 11.07.2018 /АМИТ «Ховар»/. Аз ҷониби кормандони шуъбаи Бозрасии давлатии автомобилии Раёсати Вазорати корҳои дохилӣ дар шаҳри Душанбе дар як ҳафтаи охир дар ҳудуди шаҳри Душанбе беш аз 3 ҳазор ҳолати вайронкунии қоидаҳои ҳаракат дар роҳ ошкор гардиданд.
Тавре ба мухбири АМИТ «Ховар» аз Раёсати мазкур хабар доданд, дар натиҷаи татбиқи маҷмӯи чорабиниҳои мақсаднок ҳафтаи сипаришуда, яъне аз 1 то 8 июли соли равон, дар ҳудуди шаҳри Душанбе 3301 ҳолати вайронкунии қоидаҳои ҳаракат дар роҳ ошкор ва нисбат ба ронандагону дигар иштирокчиёни ҳаракат маводи маъмурӣ тартиб дода шуд.
Аз ҷумла, 6 ҳолати вайронкунии қоидаҳои ҳаракат зимни идораи воситаи нақлиёт дар ҳолати мастӣ, 152 ҳолати баланд намудани суръати ҳаракати воситаи нақлиёт аз меъёри муқарраршуда, 133 ҳолати истифода бурдани телефони мобилӣ ҳангоми идора намудани воситаи нақлиёт, 304 ҳолат аз меъёри муқаррарӣ зиёд савор намудани мусофирон ва дигар намудҳо мебошанд.
Ба иттилои манбаъ, гарчанде ҷавобгарӣ барои дар ҳолати мастӣ идора намудани воситаи нақлиёт вазнин гардида бошад ҳам, вале ҳанӯз ҳам ронандагоне пайдо мешаванд, ки талаботи қонуни амалкунандаро нодида гирифта, дар ҳолати мастӣ воситаи нақлиётро идора менамоянд.
Ин амал ҳам ба ҷони ронанда ва ҳам пиёдагардон хатари маргбор дорад.
«Тоҷикаэронавигатсия» ба зиёда аз 14 ҳазор киштии ҳавопаймоӣ хизмат расонидааст
Баҳри Хазар то соли 2050 метавонад то сатҳи хатарноктарин паст шавад
Дар Ҳиндустон бар асари тирпаронии ҷангҷӯён 27 сайёҳ ҳалок гардид
Рӯзҳои охири моҳи апрел дар Тоҷикистон баландшавии ҳарорати ҳаво дар назар аст
Намояндагони Тоҷикистон дар Форуми ҳизбҳои сиёсии давлатҳои аъзои Созмони ҳамкории Шанхай иштирок доранд
Имрӯз дар водиҳои Тоҷикистон ҳаво 27 дараҷа гарм мешавад
Ҳамкории Тоҷикистон ва Туркия дар самти рушди инфрасохтори соҳаи кор бо ҷавонон ва варзиш тақвият меёбад
«ТОЗАГИИ СОҲИЛ». Дар соҳили дарёи Сир ҳашари тозагӣ гузаронида шуд
Замин хонаи умумии мо буда, муназзамии табиати сайёраро бояд нигоҳ дошт
Дар қаламрави Тоҷикистон заминларза ба амал омад
«Интернет барои хона» боз дар се маҳаллаи дигари Душанбе пайдо шуд
Имрӯз дар Тоҷикистон ҳавои тағйирёбанда пешгӯӣ мешавад
