Дар Душанбе Маркази инноватсионии ҷавонон ба истифода дода шуд
ДУШАНБЕ, 23.07.2018 /АМИТ «Ховар»/. Дар шаҳри Душанбе бо мақсади рушди соҳаи илм ва инноватсия, ҷалби ҷавонону наврасон ба ихтироъкорию навоварӣ Маркази инноватсионии ҷавонон ба истифода дода шуд, ки дорои шароити зарурӣ мебошад.
Ёдовар мешавем, ки охири ҳафтаи гузашта бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Хазинаи рушди кӯдакони Созмони Милали Муттаҳид (ЮНИСЕФ) дар назди Корхонаи воҳиди давлатии «Маркази ҷумҳуриявии иттилоот ва тамоюли ҷавонон» Маркази инноватсионии ҷавонон таъсис шуд.
Тавре аз Кумитаи кор бо ҷавонон ва варзиш ба АМИТ «Ховар» иттилоъ доданд, раиси Кумитаи кор бо ҷавонон ва варзиш Аҳтам Абдуллозода иброз дошт, ки дар партави сиёсати маорифпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои омӯзиш ва азхуднамоии донишҳои замони муосири насли ҷавон тамоми имкониятҳои мавҷуда фароҳам оварда шудаанд. Ҷавонон бояд аз ин имкониятҳо истифода намуда, бо донишу маҳорат ва ақлу заковат дар ҷодаи илмомӯзӣ, бахусус илмҳои дақиқ гомҳои устувор гузоранд.
«Маркази инноватсионии ҷавонон дар доираи барномаҳои махсуси Созмони Милали Муттаҳид барои наврасону ҷавонон таъсис ёфта, он метавонад барои баланд бардоштани маърифати эҷодию илмӣ ва ихтироъкорию навоварии ҷавонон дар Тоҷикистон заминаи мусоид фароҳам оварад. Бо боварии комил метавонам гӯям, ки маркази мазкур дар роҳи дарёфти чеҳраҳои навовару ихтироъкор саҳм гузошта, метавонад иқтидори илмии ҷавононро зиёд намояд»,- иброз дошт роҳбари Хазинаи рушди кӯдакон (ЮНИСЕФ) дар Тоҷикистон Лучиано Калестини.
Маркази инноватсионии ҷавонон дар Тоҷикистон имкон фароҳам меорад, ки ҷавонону наврасон дар соҳаи илм, инноватсия ва ихтироъкорӣ корҳои хешро мутобиқ ба стандартҳои замони муосир анҷом диҳанд.
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
