Фарҳод Раҳимӣ, Президенти Академияи илмҳои Тоҷикистон: «Ҳамкориҳои илмӣ бо Ӯзбекистон густариш меёбанд»
ДУШАНБЕ, 07.08.2018 /АМИТ «Ховар»/. Президенти Академияи илмҳои Тоҷикистон мегӯяд, донишмандони тоҷику ӯзбек тавофуқ карданд, ки ҳамкориҳои илмӣ – тадқиқотӣ миёни ду кишварро густариш диҳанд.
Фарҳод Раҳимӣ рӯзи 7 август зимни натиҷагирии сафари ҳайати фарҳангиёну донишмандони тоҷик ба Ӯзбекистон дар суҳбат бо хабарнигори АМИТ «Ховар» Хуршед Ҳамдам гуфт: «Боиси хушҳолист, ки теъдоде аз донишмандони тоҷик дар Ҳайати дӯстии Ҷумҳурии Тоҷикистон ба Ӯзбекистон сафар карда, бо ҳамтоёни ӯзбеки худ роҷеъ ба дурнамои ҳамкориҳои илмӣ – тадқиқотӣ суҳбат намуданд».
Ба гуфтаи Ф. Раҳимӣ, донишмандони тоҷику ӯзбек самтҳои нави ҳамкориҳои илмӣ – тадқиқотиро баррасӣ ва мувофиқа намудаанд
Президенти Академияи илмҳои Тоҷикистон мегӯяд, олимони тоҷику ӯзбек метавонанд дар робита ба тағйирёбии иқлим, тағйирёбии олами набототу ҳайвонот ва дигар самтҳо бо ҳам ҳамкории муштарак дошта бошанд.
Фарҳод Раҳимӣ изҳор дошт, ки дар оянда миёни Академияҳои илмҳои Тоҷикистон ва Ӯзбекистон созишномаи ҳамкорӣ ба имзо мерасад.
Зимнан, тибқи иттилои Фарҳод Раҳимӣ, олимони тоҷику ӯзбек дар даврони шуравӣ ҳамкории муштарак, аз ҷумла дар чорчӯбаи лоиҳаҳои илмӣ – тадқиқотӣ доштанд ва умед аст, ки ин ҳамкориҳо дубора густариш ва тақвият меёбанд.
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
