Гулнора Ҳасанзода: Моҳи октябр дар шаҳри Норак ва маҳаллаҳои шаҳри Душанбе барӯйхатгирии санҷишии аҳолӣ гузаронида мешавад
ДУШАНБЕ, 03.08.2018. /АМИТ «Ховар»/. Дар семоҳаи сеюми соли 2018 дар шаҳри Норак ва маҳаллаҳои 64- 91-и шаҳри Душанбе барӯйхатгирии санҷишии аҳолӣ гузаронида мешавад. Имрӯз дар ин бора зимни нишасти матбуотӣ директори Агентии омори назди Президенти Ҷумҳурии Тоҷикистон Гулнора Ҳасанзода ба хабарнигорон иттилоъ дод.
Ба иловаи номбурда, ҳоло корҳои омодагӣ ба давраи навбатии барӯйхатгирии аҳолӣ ва фонди манзили соли 2020 идома дорад. Тибқи Қарори Ҳукумати Ҷумҳурии Тоҷикистон «Дар бораи комиссияи давлатии мусоидат ва қоидаи гузаронидани барӯйхатгирии аҳолӣ ва фонди манзили Ҷумҳурии Тоҷикистон дар соли 2020» ва Қарори Ҳукумати Ҷумҳурии Тоҷикистон «Дар бораи ба рӯйхатгирии санҷишии аҳолӣ ва фонди манзили соли 2018» қарорҳои дахлдори мақомоти иҷроияи ҳокимияти давлатӣ дар маҳалҳо қабул карда шудааст.
Корҳои аввалиндараҷа ва тайёрӣ барои гузаронидани барӯйхатгирии санҷишии аҳолӣ ва фонди манзили ҷумҳурӣ аз ҷониби Агентии омор дар ҳамкорӣ бо вазорату идораҳо ва мақомоти иҷроияи ҳокимияти давлатии шаҳрҳои Душанбе ва Норак идома доранд.
«Ба маъракаи барӯйхатгирии санҷишии аҳолӣ бештар нафароне ба ҳайси ҳисобчӣ ҷалб карда мешаванд, ки одоби муоширатро риоя намуда, қобилияти кор бо аҳолиро дошта бошанд. Тибқи қарори Ҳукумати Ҷумҳурии Тоҷикистон, онҳое, ки ба корҳои санҷишии барӯйхатгирии аҳолӣ ва ё ин ки ба корҳои асосии барӯйхатгирии аҳолӣ ҷалб мешаванд дар муҳлатҳои муайян аз 1 то 2 моҳ аз ҷои кори аслиашон озод карда мешаванд»,-гуфт директори Агентии омор.
Шурӯъ аз оғози соли 2018 вобаста ба масъалаи барӯйхатгирии аҳолӣ зиёда аз 150 нафар кормандон тариқи шартномавӣ кор мекунанд ва дар назар аст, ки дар оянда шумораашон зиёд карда шавад.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
