РОҲ БА СӮИ МАКТАБ: таҳти чунин унвон дар Боғи кӯдакони шаҳри Душанбе барномаи фарҳангӣ-фароғатӣ баргузор гардид
ДУШАНБЕ, 18.08.2018 /АМИТ «Ховар»/. Шоми дирӯз дар Амфитеатри «Боғи кӯдакон»-и шаҳри Душанбе бахшида ба 27-умин солгарди Истиқлолияти давлатии Ҷумҳурии Тоҷикистон ва фарорасии соли нави хониш барномаи фарҳангӣ-фароғатӣ таҳти унвони «Роҳ ба сӯи мактаб» доир гардид.
Тавре мухбири АМИТ «Ховар» хабар медиҳад, барномаи мазкур аз ҷониби Кумитаи иҷроияи Ҳизби Халқӣ Демократии Тоҷикистон дар ноҳияи Исмоили Сомонӣ роҳандозӣ гардид.
Зимни ифтитоҳи барномаи фарҳангӣ-фароғатӣ масъулин аз дастгириҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба тамоми қишри ҷомеа, аз ҷумла, кӯдакон ёдовар шуда, зикр намуданд, ки кӯдакону наврасон ҳамеша таҳти ғамхории махсуси давлату ҳукумат ва Пешвои миллат қарор доранд.
Маврид ба зикр аст, ки то оғози барномаи асосӣ кӯдакон ва наврасон дар ҳудуди «Боғи кӯдакон» ба бозиҳои гуногуни кӯдакона ва дигар имкониятҳои фароғатие, ки дар боғи мазкур муҳайё гардидааст, машғул шуда, шодию хурсандӣ намуданд.
Дар ин барномаи фарҳангӣ – фароғатӣ 500 нафар кӯдакон, аз ҷумла, 100 нафар ятимони кулли шаҳри Душанбе иштирок намуданд.
Ҳаваскорони навраси ансамбли «Шукуфаҳои пойтахт» — и Муассисаи давлатии «Маркази кӯдакон ва наврасони шаҳри Душанбе» бо суруду таронаҳои дилнишин хотири иштирокдоронро болида намуданд.
Ёдовар мешавем, ки рӯзҳои истироҳатии ҳар ҳафта баҳри тафреҳу фароғати сокинону меҳмонони пойтахт дар «Боғи кӯдакон» барномаҳои рангини фарҳангӣ-фароғатӣ баргузор мегардад.
НИШАСТИ МАТБУОТӢ. Соли 2024 забҳи 586 сар чорвои мубталои бемории буғумдард пешгирӣ карда шуд
Ҷашни Сада дар шаҳри Ҳисор бо намоиши дастовардҳои кишоварзон пуршукуҳ таҷлил гардид
Кишоварзони фаъоли ноҳияи Зафаробод дар иди Сада кадрдонӣ гардиданд
«МАКТАБИ МОДАРОН». Дар Ёвон бо мақсади ба ҳаёти мустақилона омода намудани духтарон ҳамоиши тарғиботӣ доир шуд
Дар Суғд ҷашни Садаро бо иштироки меҳмонон аз давлатҳои ҳамсоя таҷлил намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МАКТАБИ МОДАРОН». Дар шаҳру ноҳияҳои вилояти Хатлон ҳамоиши тарғиботӣ доир мегардад
Дар шаҳри Хоруғ ҷашни Сада бо русуми аҷдодӣ таҷлил гардид
3 феврал дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
