СУҒД: 25 автобуси тамғаи «ЛИАЗ» ба Хуҷанд ворид гардид
ДУШАНБЕ, 27.08.2018. /АМИТ «Ховар»/. Боз 25 адад автобусҳои мусофиркашонӣ дар натиҷаи татбиқи лоиҳаи «Рушди нақлиёти ҷамъиятии шаҳри Хуҷанд» ба маркази вилояти Суғд ворид гардид, ки ҳадаф беҳсозии ҳолати кунунии хизматрасонии нақлиётҳои ҷамъиятӣ ба ҳисоб меравад. Автобусҳои наву замонавӣ тамғаи «ЛИАЗ» буда, истеҳсоли Федератсияи Россия мебошанд.
Тавре аз Хадамоти матбуоти Раиси вилояти Суғд ба АМИТ «Ховар» иттилоъ доданд, лоиҳаи мазкур бо дастгирии Ҳукумати Ҷумҳурии Тоҷикистон ва маблағгузории Бонки аврупоии таҷдид ва рушд дар ҳаҷми беш аз 26 миллион доллари америкоӣ амалӣ гардида истодааст.
Автобсуҳои нав нисбат ба автобусҳои қаблан воридшуда калонҳаҷм буда, дарозии он 12 метр мебошад. Ҳар як автобус барои ғунҷоиши зиёда аз 100 мусофир пешбинӣ шудааст. Ҳамчунин дар дохили автобус барои маъюбон имконоти мусоид фароҳам омадааст. Ҳамакнун бо амалӣ гаштани марҳилаи дуввуми лоиҳаи зикршуда хатсайри автобусҳо боз ҳам фарохтар гардид. Ҳаракати ин автобусҳо аз маҳаллаи 34-уми шаҳри Хуҷанд оғоз ёфта, то шаҳри Бӯстон идома меёбад. Дар назар аст, ки дар оянда ба самти шаҳри Гулистон низ хатсайри автобусҳо ба роҳ монда шавад.
Бояд зикр кард, ки автобусҳои наву замонавӣ мутобиқ ба талаботи замони муосир истеҳсол гардида, ҳамаи амалиёт дар он ба тариқи электронӣ ба сомон расонида мешавад. Масъулин нақша доранд дар ояндаи наздик бо мақсади баланд бардоштани хизматрасонии нақлиёти ҷамъиятӣ пардохти электронӣ ва чиптавии онро ба роҳ монанд. Бо амалӣ гаштани марҳилаи дуввуми лоиҳа шумораи умумии автобусҳо ба 50 адад расид ва мувофиқи нақша то поёни соли равон боз 50 адад автобус ба маркази вилоят оварда мешавад.
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
