Вазири фарҳанги Тоҷикистон Ш. Орумбекзода: «Миёни Тоҷикистон ва Ӯзбекистон Барномаи ҳамкорӣ ба имзо мерасад»
ДУШАНБЕ, 07.08.2018 /АМИТ «Ховар»/. Вазири фарҳанги Ҷумҳурии Тоҷикистон Шамсиддин Орумбекзода мегӯяд, ба зудӣ миёни Тоҷикистон ва Ӯзбекистон Барномаи ҳамкории фарҳангӣ ба имзо мерасад.
Вазири фарҳанги Тоҷикистон рӯзи 7 август зимни натиҷагирӣ аз сафари ҳайати фарҳангиёну донишмандони тоҷик ба Ӯзбекистон дар суҳбат бо хабарнигори АМИТ «Ховар» Хуршед Ҳамдам гуфт, ки Барномаи ҳамкории фарҳангии Тоҷикистон ва Ӯзбекистон дар ҷараёни сафари ҳайати фарҳангиёну донишандони тоҷик ба Ӯзбекистон дар Тошканд баррасӣ шуд ва барои имзо ба сарони кишварҳо пешниҳод мегардад.
Шамсиддин Орумбекзода гуфт, ки интизор меравад Барномаи ҳамкории фарҳангӣ миёни Тоҷикистон ва Ӯзбекистон дар ҷараёни сафари давлатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Ӯзбекистон, ки қарор аст моҳи август сурат бигирад, баррасӣ ва имзо шавад.
Ӯ натиҷаи сафари фарҳангиёну донишмандони тоҷик ба Ӯзбекистонро муҳим арзёбӣ кард ва гуфт, ки «иқдоми нахустини Пешвои миллат муҳтарам Эмомалӣ Раҳмон амалӣ шуд».
Зеро ба таъкиди Орумбекзода, Сарвари давлат Эмомалӣ Раҳмон ҳанӯз дар ҷараёни сафари Президенти Ҷумҳурии Ӯзбекистон Шавкат Мирзиёев ба Тоҷикистон ва ҳангоми баргузории консерти муштараки «Шоми дӯстӣ» дар толори Кохи Борбади шаҳри Душанбе таъкид карда буданд, ки «Тоҷикистон ба рушди муносибатҳои байнидавлатӣ бо Ӯзбекистон аҳамияти аввалиндараҷа медиҳад ва дар оянда барои расидан ба сатҳи сифатан нав, яъне шарикии стратегӣ тамоми кӯшишҳоро ба харҷ медихад».
Ба гуфтаи Вазири фарҳанги Тоҷикистон, фарҳангиёну донишмандони тоҷикро дар Ӯзбекистон дар сатҳи баланд истиқбол гирифтаанд.
Хотиррасон менамоем, ки 55 нафар фарҳангиёну донишмандони тоҷик аз 1 то 4 август дар Ӯзбекистон қарор доштанд. Дар ин муддат миёни фарҳангиёну донишмандони тоҷик ва ӯзбек вохӯриву мулоқот ва мизи муддавар баргузор гардид.
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
10 феврал дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
НИШАСТИ МАТБУОТӢ. Дар Донишкадаи давлатии фарҳанг ва санъати Тоҷикистон 7 ихтисоси нав таъсис ёфт
Дар қароргоҳи Созмони Милали Муттаҳид дастовардҳои Тоҷикистон дар таҳкими сулҳу амният матраҳ гардиданд
То 1 октябри соли 2025 Лоиҳаи «Барномаи миёнамуҳлати рушд барои солҳои 2026-2030» таҳия мегардад
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
