Вазорати молия, Вазорати рушди иқтисод ва савдо, Кумитаи андоз, Агентии омор ва Маркази миллии тестӣ нишасти матбуотӣ баргузор менамоянд

ДУШАНБЕ, 02.08.2018. /АМИТ «Ховар»/. Пагоҳ, 3 августи соли ҷорӣ Вазорати молия, Вазорати рушди иқтисод ва савдо, Кумитаи андоз, Агентии омор ва Маркази миллии тестӣ вобаста ба ҷамъбасти  фаъолият дар шаш моҳи аввали соли 2018 мутобиқи Амри Президенти Ҷумҳурии Тоҷикистон аз 15 сентябри соли 2011 нишасти матбуотӣ баргузор менамоянд.

Нишасти матбуотии Вазорати молия соати 9 дар маҷлисгоҳи Вазорати молия баргузор мешавад.

Роҳбарияти Вазорати рушди иқтисод ва савдо соати 9 дар маҷлисгоҳи Вазорати мазкур бо намояндагони ВАО мулоқот мекунанд.

Нишасти матбуотии Кумитаи андоз соати 9 дар маҷлисгоҳи бинои маъмурии Кумитаи андоз, воқеъ дар кӯчаи Шамсӣ 5/3 гузаронида мешавад.

Роҳбарияти Агентии омор соати 10 дар толори Агентии омор бо намояндагони ВАО мулоқот мекунанд.

Нишасти матбуотии Маркази миллии тестӣ соати 14 дар толори ММҶ «Ховар» баргузор мешавад.

Вазорату идораҳо ва ташкилоту муассисаҳо аз натиҷаҳои фаъолият дар нимаи якуми соли ҷорӣ маълумоти муфассал пешниҳод намуда, оид ба бурду бохти соҳа, муваффақият ва мушкилоти ҷойдошта, роҳҳои бартараф кардани онҳо мулоҳизаҳои худро изҳор мекунанд ва ба саволҳои намояндагони воситаҳои ахбори омма ҷавоб мегӯянд.

Хотиррасон мекунем, ки тибқи дастури Дастгоҳи иҷроияи Президенти Ҷумҳурии Тоҷикистон масъулони вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории нишастҳои матбуотиро бо АМИТ «Ховар» ҷиҳати дар толори Маркази матбуотӣ гузаронидани онҳо мувофиқа мекунанд (хиёбони Рӯдакӣ, 40, ошёнаи 2, телефонҳои 918-21-52-04, 888-08-34-33, 221-30-15).

Эълонҳо оид ба вақт ва макони баргузоршавии нишастҳои матбуотии вазорату идораҳо ва ташкилоту муассисаҳо ҳар рӯзи корӣ дар сомонаи АМИТ «Ховар» www.khovar.tj  бо забонҳои тоҷикӣ ва русӣ нашр карда мешаванд.