ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН: То 30-солагии Истиқлолияти давлатӣ ноҳияи Мурғоб ба маркази саноатӣ ва тиҷоратӣ табдил меёбад
ДУШАНБЕ, 11.09.2018. /АМИТ «Ховар»/. Имрӯзҳо ба ифтихори 30-солагии Истиқлолияти давлатии Ҷумҳурии Тоҷикистон дар қатори дигар шаҳру навоҳии ҷумҳурӣ дар ноҳияи дурдасти Мурғоб низ корҳои ободонию созандагӣ муваффақона идома доранд. Аз ҷумла, таҷдиди неругоҳи барқи обии «Оқ-Су», ки арзиши лоиҳавиаш 8 млн 600 ҳазор евро мебошад, дар сатҳи анҷомёбӣ қарор дошта, рӯзҳои наздик ба истифода дода мешавад.
Тавре сардори Раёсати молияи ноҳияи Мурғоби ВМКБ Эрназар Сатoров ба хабарнигори АМИТ «Ховар» иброз намуд, сохтмони НБО-и нав барои ноҳияи Мурғоб ҳамчун иншооти таърихӣ маҳсуб мегардад ва орзуи чандинсолаи аҳолии он буд.
Ба иттилои номбурда, ба ғайр аз ин, якчанд иншооти муҳими давлатӣ, ки ба рушди иҷтимоию иқтисодии ноҳияи Мурғоб бевосита мусоидат менамоянд, ба муносибати ин иди бузурги миллӣ ба истифода дода мешаванд.
Аз ҷумла, сохтмонҳои бинои маъмурии дуошёнаи Мақомоти иҷроияи ҳокимияти давлатии ноҳияи Мурғоб бо арзиши лоиҳавии 13 млн. 416 ҳазор сомонӣ, бинои маъмурии сеошёнаи шуъбаи ҳифзи муҳити зист бо арзиши лоиҳавии 1 млн. 980 ҳазор сомонӣ, бинои толори варзишӣ барои муассисаи таҳсилоти миёнаи умумии №9 дар маркази ноҳия бо арзиши лоиҳавии 1 млн. 450 ҳазор сомонӣ, бинои маъмурии дуошёнаи гумруки ноҳия бо арзиши 600 ҳазор сомонӣ, фабрикаи тозакунии маъдан ва партовгоҳ барои истихроҷи кони нуқраи Ақҷилға бо арзиши лоиҳавии 12 млн. 880 ҳазору 500 долл. америкоӣ ва меҳмонхона бо арзиши лоиҳавии 160 ҳазор сомонӣ пешбинӣ шудаанд.
Бояд зикр кард, ки Барномаи рушди иҷтимоию иқтисодии ноҳияи Мурғоб барои солҳои 2016 — 2020 қабул гардида, дар солҳои соҳибистиқлолӣ дуюмин барномаи рушди иҷтимоию иқтисодии ноҳия мебошад, ки қаблан низ чунин барнома барои солҳои 2005 — 2010 қабул гардида, пурра амалӣ шуда буд.
«То 30-солагии Истиқлолияти давлатии Ҷумҳурии Тоҷикистон ва Барномаи рушди иҷтимоию иқтисодии ноҳияи Мурғоб барои солҳои 2016 — 2020 ноҳияи Мурғоб ба маркази саноатӣ ва тиҷоратӣ табдил меёбад. Дар қатори ин, якчанд корхонаҳои саноатӣ ва хизматию маишӣ ба кор шурӯъ намуда, ҷойи кори доимӣ барои аҳолии ноҳия фароҳам омада, дар маҷмӯъ, ин ҳама омили зиёд шудани қисми даромади буҷети ноҳия мегардад»,-гуфт сардори Раёсати молияи ноҳияи Мурғоби ВМКБ Эрназар Сатoров.
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
