БА ВАТАН ВА ПРЕЗИДЕНТИ ХУД СОДИҚ МЕМОНЕМ! Аскароне, ки муҳлати хизмати ҳарбиро ба анҷом расониданд, ба эҳтиёт рухсат дода шуданд
ДУШАНБЕ, 12.10.2018 /АМИТ «Ховар»/. 150 нафар хизматчиёни ҳарбии Гвардияи миллии Ҷумҳурии Тоҷикистон баъди ба итмом расидани муҳлати муқарраргардидаи хизмати ҳарбӣ ба эҳтиёт рухсат дода шуданд. Ба ин муносибат дар қисми ҳарбии 051055-и Гвардияи миллӣ ҷамъомади тантанавӣ баргузор гардид.
Дар ин бора ба АМИТ «Ховар» аз шуъбаи иттилоот ва робита бо ҷомеаи Гвардияи миллии Ҷумҳурии Тоҷикистон хабар доданд. Сержантону сарбозонро сардори Сарситод — муовини аввали Фармондеҳи Гвардияи миллии Тоҷикистон, генерал-майори гвардия Ҷонибек Ализода табрик намуда, таъкид кард, ки ҳамеша барои давом додани хизмати содиқонаву софдилона ба манфиати халқу Ватан омода бошанд.
«Артиш ҳамеша ба сарбозону афсарони содиқу бошараф эҳтиёҷ дорад ва бо онҳо мефахрад. Хизмати Модар – Ватан яке аз меъёрҳои ҷавонмардӣ буда, дар ҳама давру замон қарзу вазифаи муқаддаси шаҳрванд ба ҳисоб мерафт»,-таъкид дошт Ҷонибек Ализода.
Дар ҷамъомад беҳтарин сарбозон аз қисму воҳидҳои Гарнизони Душанбе дар ҳузури ҳайати роҳбарӣ ва сарбозони навдаъват сухан карда, аз лаҳзаҳои хотирмон ва аҳамияти хизмати ҳарбӣ таассуроти худро баён карданд. Ҳамчунин ёдрас шуданд, ки то абад ба савганди ёдкардаашон содиқ мемонанд.
Сарбозоне, ки хизмати Модар – Ватанро бо нишондодҳои баланд ва интизоми намунавӣ ба итмом расондаанд, бо рутбаҳои навбатии ҳарбӣ, ифтихорнома, мактубҳои миннатдорӣ ба волидон сарфароз гардонида шуданд.
Қисмати фараҳбахшу хотирмони ҷамъомад маросими хайрбод буд, ки сарбозон бо яке аз муқаддастарин нишони хизмати ҳарбӣ – парчами ҷангии Гвардияи миллии Ҷумҳурии Тоҷикистон, ки ҳамеша ҳамсафу фахри онҳо буд, хайрбод гуфтанд. Сипас суруди ифтихории Горди миллӣ садо дод.
Ҷамъомади тантанавӣ таҳти оҳангҳои мутантани ҳарбӣ ва гузашти низомӣ ба анҷом расид.
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
