Боздиди сарвазирони Тоҷикистон ва Қазоқистон аз намоишгоҳи саноати автомобилии Қазоқистон дар Душанбе
ДУШАНБЕ, 12.10.2018. /АМИТ «Ховар»/. Субҳи имрўз Сарвазири Ҷумҳурии Тоҷикистон Қоҳир Расулзода бо Сарвазири Ҷумҳурии Қазоқистон Бакитжан Сагинтаев дар доираи ҷаласаи навбатии Шўрои сарони ҳукуматҳо (сарвазирон)-и давлатҳои аъзои Созмони Ҳамкории Шанхай аз намоишгоҳи саноати автомобилии Ҷумҳурии Қазоқистон боздид ба амал оварданд.
Дар намоишгоҳ намудҳои гуногуни нақлиёте, ки дар Ҷумҳурии Қазоқистон истеҳсол карда мешаванд, муаррифӣ шуданд.
Сарвазири мамлакат Қоҳир Расулзода ва Сарвазири Ҷумҳурии Қазоқистон Бакитжан Сагинтаев аснои боздид аз рушди муносиботи дуҷониба ёдовар шуда, баргузории намоишгоҳи саноати автомобилии Ҷумҳурии Қазоқистонро барои равнақ ёфтани равобити ҳарду давлат дар соҳаи нақлиёт, саноат ва бахши хусусӣ муҳим арзёбӣ намуданд.
Давоми солҳои охир ҳамкории ширкатҳои бонуфузи ду давлат дар самти омўзиши таҷрибаи якдигар ва ба Ҷумҳурии Тоҷикистон ворид кардани нақлиёте, ки дар Ҷумҳурии Қазоқистон истеҳсол мегарданд, бештар шудааст. Ҳоло нақлиёти воридшуда аз ин кишвар дар шаҳру ноҳияҳои Тоҷикистон ба хизматрасонӣ ҷалб шудаанд.
Рушди ҳамкории Тоҷикистону Қазоқистон аз сиёсати бобарору муваффақонаи сарони ҳарду давлати бо ҳам дўст асос ёфтааст. Равнақ ёфтани ин равобитро ҳамкории мутақобилан судманд ва дигар санадҳои имзошуда таъмин мекунанд.
Ҳамчунин ташкили намоишгоҳ барои пайдо намудани шарикони нави тиҷоратӣ барои соҳибкорон ва равнақ додани равобит дар бахшҳои гуногун аз манфиат холӣ нест.
Ҳамзамон Сарвазири мамлакат Қоҳир Расулзода ва Сарвазири Ҷумҳурии Қазоқистон Бакитжан Сагинтаев табодули таҷриба, истифодаи имконоти ҳанӯз истифоданашуда ва дигар тадбирҳои тибқи нақша амалишавандаро омили асосӣ барои таъмини рушди бахши хусусӣ ва баланд бардоштани сатҳи хизматрасонӣ дар соҳаи роҳу нақлиёт байни Тоҷикистону Қазоқистон арзёбӣ карданд.
Намоишгоҳи нақлиёти Ҷумҳурии Қазоқистон дар Ҷумҳурии Тоҷикистон дар доираи сиёсати созандаи сарони кишварҳои Тоҷикистону Қазоқистон аз тарафи ширкатҳои хусусӣ ва сохторҳои марбутаи ҳарду давлат дар доираи ҷаласаи навбатии Шўрои сарони ҳукуматҳо (сарвазирон)-и давлатҳои аъзои Созмони Ҳамкории Шанхай бо мақсади таъмини рушди дучанди равобит дар оянда ба роҳ монда шуд ва ҳамагон тавонистанд бо имконияти истеҳсоливу ҳамкории ширкатҳои тоҷику қазоқ шинос шаванд.
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
