Дар Душанбе ҷаласаи 15-уми Шӯрои машваратӣ оид ба ҳимояи ҳуқуқи истеъмолкунандагони ИДМ баргузор гардид
ДУШАНБЕ, 25.10.2018 /АМИТ «Ховар»/. Имрӯз дар шаҳри Душанбе ҷаласаи 15-уми Шӯрои машваратӣ оид ба ҳимояи ҳуқуқи истеъмолкунандагони кишварҳои Иттиҳоди Давлатҳои Мустақил /ИДМ/ баргузор гардид. Дар кори он роҳбарону намояндагони мақомоти салоҳиятдори давлатии кишварҳои ИДМ иштирок намуданд.
Сардори Хадамоти зиддинҳисории назди Ҳукумати Ҷумҳурии Тоҷикистон Саъдӣ Қодирзода зимни ифтитоҳи расмии он зикр кард, ки баргузории ҷаласаи мазкур дар шаҳри Душанбе- пойтахти Ҷумҳурии Тоҷикистон ба ҳимояи ҳуқуқи истеъмолкунандагон дар миқёси давлатҳои ИДМ таҳким мебахшад.
Дар ҷаласа роҳбарону намояндагони мақомоти марбутаи кишварҳои ИДМ доир ба масъалаҳои ҳимояи ҳуқуқи истеъмолкунандагон, хусусан таҳия ва татбиқи қонунгузорӣ ва табодули таҷрибаи ба дастовардаи кишварҳои ИДМ дар бахши ҳимояи ҳуқуқи истеъмолкунандагон мубодилаи афкор намуданд.
Ҳамзамон иштирокдорони ҷаласаи 15-уми Шӯрои машваратӣ оид ба ҳимояи ҳуқуқи истеъмолкунандагони кишварҳои ИДМ вазъ ва дурнамои сиёсати ҳимояи ҳуқуқи истеъмолкунандагон дар Ҷумҳурии Тоҷикистон, иҷрои қарорҳои ҷаласаи 14-уми Шӯрои машваратӣ оид ба ҳимояи ҳуқуқи истеъмолкунандагони кишварҳои ИДМ, нақши Бонки миллии Тоҷикистон дар раванди баланд бардоштани фарҳанги молиявии аҳолии Ҷумҳурии Тоҷикистон, масъалаҳои муҳим ва дурнамои ҳамгироии кишварҳои Иттиҳоди иқтисодӣ дар самти ҳимояи ҳуқуқи истеъмолкунандагон, такмили таҷрибаи ҳамкории мақомоти ваколатдор оид ба ҳимояи ҳуқуқи истеъмолкунандагонро дар доираи ИДМ баррасӣ намуданд.
Дар анҷоми ҷаласа доир ба масъалаҳои муҳокимашуда қарорҳои марбута қабул гардиданд.
Даври ниҳоӣ дар баландӣ. Дар Бадахшон мусобиқаи «МегаФон Life дар сабки футбол» анҷом ёфт
Имрӯз дар Тоҷикистон чангу ғубор ба амал меояд
Соҳибкорону сокинон дар корҳои ободонии ноҳияи Рӯдакӣ ба маблағи беш аз 21 миллион сомонӣ саҳм гузоштаанд
Бо мақсади пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Имрӯз дар Тоҷикистон ҳавои тағйирёбанда дар назар аст
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
