Дар Душанбе ҷаласаи Платформаи миллӣ оид ба хатари офатҳои табиӣ баргузор шуд
ДУШАНБЕ, 24.10.2018 /АМИТ «Ховар»/. Чораҳои пешгирии сел, мубориза бар зидди малах, наворҳои аэрокайҳонӣ дар бораи миқдори барф дар кӯҳҳо, омӯзишҳои муҳандисиву геологии қитъаҳои хатарноки ҷумҳурӣ, зараррасонҳо ва зарари онҳо ба бахши кишоварзӣ мавзуъҳое буданд, ки дар ҷаласаи Платформаи миллӣ оид ба хатари офатҳои табиӣ мавриди муҳокима қарор гирифтанд.
Тавре ба АМИТ «Ховар» аз Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон иттилоъ доданд, ҷаласаи мазкур имрӯз, 24 октябри соли 2018 таҳти раёсати муовини Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Муҳаммадҷон Салимзода ва бо иштироки роҳбарони вазоратҳо ва идораҳои кишвар, сарварон ва намояндагони созмонҳои байналмилалии муқими Тоҷикистон, ки нозирони Платформаи миллӣ мебошанд, баргузор гардид.
Дар ҷараёни ҷаласа инчунин масъалаҳои татбиқи Қарори Ҳукумати Ҷумҳурии Тоҷикистон «Дар бораи сохтор ва тартиби амали Низоми ягонаи давлатии Ҷумҳурии Тоҷикистон оид ба пешгирӣ ва бартарафсозии ҳолатҳои фавқулода» дар вазорату идораҳои кишвар баррасӣ шуданд.
Дар ҳамоиш ба ширкаткунандагони ҷаласа дар бораи пажӯҳишҳо ва корҳои илмӣ-амалӣ оид ба сохтмонҳои рӯизаминӣ, татбиқи тарҳҳои сармоягузорӣ дар Ҷумҳурии Тоҷикистон ва Стратегияи миллии Ҷумҳурии Тоҷикистон оид ба коҳиши хатари офатҳо дар солҳои 2018-2030 маълумот манзур гардид.
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
Дар Бохтар оид ба даъвати баҳории ҷавонон ба хизмати ҳарбӣ ҳамоиш баргузор гардид
Имрӯз дар водиҳои Тоҷикистон ҳаво то 27 дараҷа гарм мешавад
Зудтару дақиқтар: дар Тоҷикистон сифати хизматрасониҳои мобилиро беҳтар мекунанд
