«МО ЗИ ФАЛАК БУДАЕМ, ЁРИ МАЛАК БУДАЕМ…». Шоми имрӯз дар Амфитеатри Боғи фарҳангу фароғати Садриддин Айнии шаҳри Душанбе Ҷашни Фалак доир мегардад
ДУШАНБЕ, 10.10.2018 /АМИТ «ХОВАР»/. Имрӯз Тоҷикистон Рӯзи Фалакро ҷашн мегирад. Шоми имрӯз дар Амфитеатри Боғи фарҳангу фароғати Садриддин Айнӣ Ҷашни Фалак барпо мешавад.
Ёдовар мешавем, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 10 сол муқаддам, зимни табрикоташон ба муносибати ҳамасола дар мамлакат Рӯзи Фалак эълон гардидани 10 октябр таъкид намуданд: «Фалак ҳам аз нигоҳи ҳаҷм ва ҳам аз нигоҳи арзишу қимати бадеӣ, аз ҷумла беҳтарин мероси мусиқист, ки мо онро барҳақ мусиқии шаклан озод, таҷассумгари рӯҳи озод ва орзуву омоли халқи тоҷик меномем».
Бояд зикр кард, ки пас аз ин фармони Президенти мамлакат ҳамасола Рӯзи Фалак дар сатҳи баланд таҷлил мегардад. Дар ин давра чандин симпозиуми байналмилалии фалак доир гардида, пажӯҳиши ин жанри мусиқии суннатии тоҷик натиҷаҳои назаррас ба даст овард. Силсилаи мақолаҳо ва китобҳои муҳаққиқону мутахассисон ба табъ расиданд. Китобҳои «Фалак»-и Қурбони Қурбониён, «Фалак ва масъалаҳои таърихӣ – назариявии мусиқии тоҷик» (мураттиб Фароғат Азизӣ), «Мақом ва Фалак»-и Фароғат Азизӣ (бо забони русӣ), «Рози дил»-и Умари Темур, «Санъати мусиқии Кӯлоб»-и Раҳмони Раҳим, «Фалак»-и Давлатманди Хол, «Санъати мусиқии Помир»-и Низом Нурҷонов ва Баҳринисо Қобилова (бо забони русӣ) ва «Гулзори Фалак» аз ҷумлаи онҳост.
Дар ин робита доктори илмҳои санъатшиносӣ Аслиддин Низомӣ иброз дошт, ки мусиқии фалак, нолаҳои нозуку пурадои он ба самъи мо нидоеро аз дили пурҳарорати аҷдодонамон мерасонанд ва бо ҳамин сурат бори дигар пайвандии маънавии аҷдоду авлоди тоҷиконро устувор месозанд. Охир, ба ёд оред васияти Мавлонои бузургро, ки гуфта буданд: «Мо зи фалак будаем, ёри малак будаем…»
«Мутахассисони ҷаҳонӣ кайҳост, ки ба таҳқиқи фалакхонӣ шуғл пайдо кардаанд ва дар байни онҳо махсусан номи олими франсуз Ҷон Дюрингро бояд ба хотир овард. Ӯ солҳои 90 — уми қарни гузашта борҳо ба Тоҷикистон омада, барои кашфи ҳунари волои Гулчеҳра Содиқова саҳмгузор гардида буд. Воқеан, бояд иқрор шуд, ки дар мамлакати мо ин олиҳаи хоксори саҳнаи мусиқӣ яке аз бузургтарин сарояндагони фалаки асил ба шумор меравад. Одина Ҳошим, Давлатманди Хол, Файзалӣ Ҳасанов, Маҳмадсафар Муродов дар байни мардон аз моҳиртарин иҷрокунандагони муосири жанри фалак ҳастанд, ки шуҳрати ин навоҳои қадимии тоҷикиро ба оламиён маълум карданд», — афзуд Аслиддин Низомӣ.
Рухсораи НУР,
АМИТ «Ховар»
Вайрон намудани қоида ва меъёрҳои истифодаи қувваи барқ ҷиноят аст
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
