Дар Душанбе 4 нафар бо хатарноктарин навъи маводи нашъадор дастгир гардиданд
ДУШАНБЕ, 23.11.2018. /АМИТ «Ховар»/. Кормандони Раёсати Вазорати корҳои дохилӣ дар шаҳри Душанбе зимни пешбурди корҳои фаврӣ-ҷустуҷӯӣ дар ҳудуди пойтахт 4 нафар ҷавонро ҳамчун гумонбар дар хариду фурӯш ва истеъмоли ҳабҳои экстазӣ дастгир карданд.
Тавре аз Раёсати Вазорати корҳои дохилӣ ба АМИТ «Ховар» хабар доданд, шаҳрвандон Зоиров Абдурасул Холиқович, соли таваллудаш 02.01.1981, истиқоматкунандаи шаҳри Душанбе, кӯчаи Қазоқон-2; Худойбердиев Зоир Авазхонович, соли таваллудаш 14.03.1991, сокини шаҳри Кӯлоб, пеш бо моддаи 201 КҶ ҶТ суд шудааст, Асроров Маҳмадюнус Маҳмадюсупович, соли таваллудаш 14.10.1992, истиқоматкунандаи шаҳри Душанбе, кӯчаи Деҳи боло; Раҳматуллозода Беҳрӯзи Субҳоналӣ, соли таваллудаш 30.08.1993, истиқоматкунандаи шаҳри Душанбе, кӯчаи Сино мавриди боздошт қарор гирифтанд.
Зимни гузаронидани корҳои фаврӣ-тафтишотӣ муайян карда шуд, ки гумонбаршавандаҳо 44 адад ҳабҳои экстазиро бо нияти истифода кардан ва минбаъд ба соҳибияти каси дигар додан, яъне фурӯхтан бо роҳи ғайриқонунӣ харидорӣ намуда, дар манзили истиқоматии яке аз аъзои гурӯҳ нигоҳ доштаанд. Сипас гумонбаршавандаҳо аз ин миқдор 20 ададашро истеъмол ва қисме аз онҳоро бо роҳи ғайриқонунӣ фурӯхтаанд, ки зимни идомаи корҳои фаврӣ-ҷустуҷӯӣ аз паноҳгоҳи гумонбаршавандаҳо 24 адад ҳабҳои экстазии боқимонда ҳамчун далели шайъӣ дарёфту мусодира карда шуданд.
Мувофиқи маълумотномаи экспертизаи кимиёвии Раёсати ташхиси криминалистии ВКД, 24 адад ҳаб, ки вазни умумиашон 6,4588 граммро ташкил медиҳад, таблеткаҳои экстазии навъи МДМА буда, хатарноктарин навъи воситаҳои нашъадор ба ҳисоб мераванд.
Мақомоти милитсияи шаҳри Душанбе бо назардошти тибби муосир ва хулосаи илмии табибони тоҷик расман иттилоъ медиҳад, ки истеъмоли ин гуна мавод ба хотираи ҷавонон таъсири манфӣ расонида, оқибат истеъмолкунандагонро ба бемориҳои гуногуни нашъамандӣ гирифтор мекунад.
Вобаста ба ҳолати мазкур нисбат ба гумонбарон тибқи талаботи моддаи 200 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, номбурдагон дар ҳабси пешакӣ қарор доранд.
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
