Дар шаҳри Дубай масоили ҳамкории Тоҷикистон ва «Интерпол» баррасӣ гардиданд
ДУШАНБЕ, 19.11.2018. /АМИТ «Ховар»/. Дар доираи баргузории ҷаласаи 87-уми Ассамблеяи генералии «Интерпол», ки дар шаҳри Дубайи Аморати Муттаҳидаи Араб ҷараён дорад, Вазири корҳои дохилии Ҷумҳурии Тоҷикистон Рамазон Раҳимзода бо Котиби генералии ин созмони байналмилалӣ Юрген Шток мулоқот анҷом дод.
Тавре аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» иттилоъ доданд, дар мулоқот ба масъалаи дастгир намудани ҷинояткороне, ки дар ҷустуҷӯ қарор доранд, таваҷҷуҳи махсус зоҳир карда шуд.
«Ҷонибҳо масъалаи мубориза бар зидди терроризм, экстремизм, гардиши ғайриқонунии маводи мухаддир, дигар хатарҳои замони муосир ва кумаки ин созмони ҷаҳонӣ ба Бюрои миллӣ — марказии «Интерпол» -и Вазорати корҳои дохилии Ҷумҳурии Тоҷикистонро мавриди баррасӣ қарор доданд»,-хабар дод манбаъ.
Ба иттилои Вазорати корҳои дохилии мамлакат, Рамазон Раҳимзода дар ин рӯз бо муовини Вазири корҳои хориҷии Ҷумҳурии Исломии Афғонистон Ахтар Муҳаммад Иброҳимӣ низ мулоқот анҷом дод.
Ҷонибҳо оид ба таҳким бахшидани ҳамкорӣ дар самти мубориза бар зидди ҷинояткорӣ, терроризм, экстремизм, гардиши ғайриқонунии маводи мухаддир, силоҳ ва дигар зуҳуроти номатлуб суҳбат ва ҷиҳати таъмини амният дар ин мамлакат таклифҳои судманд пешниҳод намуданд.
Мавриди зикр аст, ки дар айни замон Вазири корҳои дохилии Ҷумҳурии Тоҷикистон Рамазон Раҳимзода дар шаҳри Дубайи Аморати Муттаҳидаи Араб дар ҷаласаи 87-уми Ассамблеяи генералии «Интерпол», ки то 21 ноябри соли равон идома меёбад, иштирок дорад.
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
