Парчам нишони сарфарозиҳои мардум, далели шуҳрату иқболи баланд, баёнгари ормонҳои миллат мебошад
ДУШАНБЕ, 23.11.2018 /АМИТ «Ховар»/. Имрӯз дар Cуди Олии иқтисодӣ бо иштироки роҳбарият, судяҳо, кормандони дастгоҳи судҳои иқтисодии ҷумҳурӣ ба муносибати Рӯзи Парчами давлатии Ҷумҳурии Тоҷикистон дар мавзӯи «Парчами давлатӣ – муаррифгари миллат» ҳамоиш доир гардид.
Муовини якуми Раиси Суди Олии иқтисодӣ Абдуҷаббор Қодирзода зикр кард, ки Парчам рамзи давлатдорӣ, шукӯҳу ифтихор ва нангу номус буда, дар баланд бардоштани ҳисси ватандӯстӣ ва ифтихор аз давлати миллӣ рисолати бузург ба анҷом меравонад. Дар ин маврид суханони Пешвои муаззами миллат муҳтарам Эмомалӣ Раҳмон хотирнишон гардиданд, ки гуфта буданд: «Ҳар як давлати мустақилу соҳибихтиёр тавассути Нишон, Парчам ва Суруди миллии он дар ҷаҳон муаррифӣ мегардад, зеро ин рамзҳо рамзҳои истиқлолият ва нишонаи асосии давлатдорӣ ба шумор мераванд.
Аз ин рӯ, эҳтиром ва арҷ гузоштан ба парчам маънои арҷ гузоштан ба тамоми арзишҳои миллат, аз ҷумла ниёгони тамаддунофар ва фарҳанги миллии мо аз оғози таърих то ба имрӯз мебошад. Эҳтироми парчам эҳтироми миллат ва давлату давлатдорӣ аст, зеро Парчам дар баробари Нишон ва Суруди миллӣ аз ҷумлаи рамзҳо ва муқаддасоти давлатӣ ва рамзи баҳамоиву ваҳдатофарӣ маҳсуб мешавад».
Зикр гардид, ки Парчам нишони сарфарозиҳои мардуми тоҷик, далели шуҳрату иқболи баланд ва шукӯҳафзои истиқлоли кишвар, баёнгари ормонҳои миллат ва шӯълаи имони мардуми бонангу номуси Тоҷикистони соҳибихтиёр мебошад. Парчам рамзи ҳаёти осоишта, бахту иқболи сафед, умед ба фардои дурахшон ва лоиқи эҳтироми ҳар шаҳрванди худогоҳу худшинос аст.
Парчами давлатӣ нишонаи бақои миллат, давлату Ватан, ваҳдати миллӣ, ҳувияти миллӣ ва беҳтарин василаи тарбияи насли наврасу ҷавонон дар рӯҳияи ифтихори миллӣ ва ҳифзи арзишҳои волои таърихиву фарҳангии халқамон мебошад.
Дар ҳамоиш судяи Суди Олии иқтисодӣ Нуриддини Нурулло дар мавзӯи «Эҳтироми Парчам вазифаи ифтихорӣ ва қарзи шаҳрвандист», раиси Суди иқтисодии шаҳри Душанбе Зебониссо Абдуллозода дар мавзӯи «Парчами давлатӣ – муаррифи миллат», мутахассиси пешбари шуъбаи таъминоти ҳуқуқӣ ва мураттабсозии қонунгузории Суди Олии иқтисодӣ Насиба Исломова дар мавзӯи «Парчами давлатӣ ҳамчун муқаддасот ва рамзи миллӣ» маърӯза ва доир ба мавзӯъҳои матраҳгардида мубоҳиса намуданд.
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
