Владимир Жириновский: «Мо бояд аз истифодаи истилоҳи «авф» нисбат ба муҳоҷирони меҳнатӣ худдорӣ намоем»
ДУШАНБЕ, 01.11.2018/АМИТ «Ховар»/. Мо тасмим дорем, ки дар оянда тарҳи қонунеро «Дар бораи мақоми махсуси шаҳрвандони Тоҷикистон дар ҳудуди Федератсияи Россия» пешниҳод ва қабул намоем, то онҳо тавонанд озодона рафтуо намоянд. Ин нуктаро дар суҳбат бо хабарнигорон дар Душанбе Раиси Ҳизби либерал-демократии Россия Владимир Жириновский баъд аз мулоқот бо Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров баён дошт.
Мавсуф афзуд, ки чунин раванд ба баланд бардоштани мақоми шаҳрвандони Тоҷикистон, ки дар қаламрави Россия фаъолият менамоянд, мусоидат хоҳад кард. «Мо мехоҳем ҳатто замимаеро дар шиносномаҳои миллии шаҳрвандони Тоҷикистон бо забони русӣ илова созем, то полис ҳангоми тафтиш бинад, ки маълумот дар бораи ин шаҳрванд бо забони русӣ ҳам сабт шудааст»,- изҳор дошт В. Жириновский.
Зикр шуд, ки дар оянда Ҳизби либерал- демократии Россия тасмим дорад дар Тоҷикистон Маркази захиравӣ барои шаҳрвандони Тоҷикистон, ки ба Россия барои кор мераванд, таъсис дода, дар он омӯзиши забони русӣ ва ихтисосҳоро ба роҳ монад. Инчунин он барои фиристонидани омӯзгорони забони русӣ ба Тоҷикистон ва китобу адабиёти гуногун мусоидат хоҳад кард.
Дар посух ба саволи хабарнигорон дар иртибот ба авфи муҳоҷирони меҳнатии тоҷик, ки қаблан аз қаламрави Россия бо сабабҳои гуногун хориҷ гардидаанд, Владимир Жириновский гуфт, ки «мо бояд дигар аз истифодаи истилоҳи «авф» нисбат ба муҳоҷирони меҳнатии Тоҷикистон, ки аз ҳудуди Россия ихроҷ гардидаанд, худдорӣ намоем, зеро муҳоҷирони меҳнатӣ ҷиноят содир накардаанд. Онҳо аз ҳудуди Россия аз ҷониби мақомоти марбута бо сабабҳое ихроҷ карда шудаанд, ки ба надонистани қонунҳои буду бош дар қаламрави Россия, ба мисли реҷаи шиносномавӣ, дар ҷои зист ба қайд нагирифтан, напардохтани андоз ва дигар ҳуҷҷатҳо иртибот доранд. Ин нафарон аз варақаи ихроҷшудагон озод карда шуда ва ё аз «рӯйхати сиёҳ» бароварда мешаванд ва ҳуқуқ доранд, ки озодона ба Россия сафар намоянд»,-таъкид кард бо ҳимоя аз ҳуқуқҳои муҳоҷирони меҳнатии тоҷик дар Россия Владимир Жириновский.
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Маҷлиси Олӣ мақоми олии намояндагӣ ва қонунгузор мебошад
Ҳамкорӣ байни Маҷлиси намояндагон ва барномаҳои Созмони Милали Муттаҳид дар Тоҷикистон тақвият меёбад
Мавсума Муинӣ бо ҳайати намояндагони Дафтари минтақавии Комиссари Олии СММ оид ба ҳуқуқи инсон дар Осиёи Марказӣ мулоқот намуд
Дар Узбекистон вохӯрии роҳбарони дастгоҳи парлумонҳои давлатҳои Осиёи Марказӣ доир гардид
Робитаҳои байнипарлумонии Тоҷикистон ва Узбекистон тақвият меёбанд
Маҳмадтоир Зокирзода: «Тақвияти ҳамгироии минтақавӣ дар Осиёи Марказӣ зарурати воқеӣ мебошад»
Раиси Маҷлиси намояндагон Маҳмадтоир Зокирзода дар Форуми дуюми байнипарлумонии давлатҳои Осиёи Марказӣ иштирок менамояд
ХУРШЕДИ ИСТИҚЛОЛИЯТ ХОНАИ ҲАР ТОҶИКУ ТОҶИКИСТОНИРО РӮШНОӢ МЕБАХШАД. Андешаҳои муовини Раиси Маҷлиси намояндагон Мавсума Муинӣ
33-СОЛАГИИ ИСТИҚЛОЛИ ДАВЛАТӢ. Дар Маҷлиси намояндагони Тоҷикистон ҷашни муқаддаси давлатиро таҷлил намуданд
САМАРАИ ИСТИҚЛОЛИЯТ. Имрӯз зани тоҷик вазир, сафир ва хеле кабир аст
Раиси Маҷлиси намояндагони Тоҷикистон Маҳмадтоир Зокирзода бо Президенти Ҷумҳурии Қазоқистон Қосим-Жомарт Токаев мулоқот намуд
Масъалаи тақвият бахшидани ҳамкории парлумонии Тоҷикистон ва Эрон дар Санкт-Петербург баррасӣ гардид
