«Барномаи рушди муассисаҳои фарҳанги шаҳри Душанбе барои солҳои 2018-2020» ва нақшаи чорабиниҳои татбиқи он тасдиқ гардид
ДУШАНБЕ, 01.12.2018. /АМИТ «Ховар»/. Бо қарори Раиси шаҳри Душанбе Рустами Эмомалӣ «Барномаи рушди муассисаҳои фарҳанги шаҳри Душанбе барои солҳои 2018-2020» ва нақшаи чорабиниҳои татбиқи он тасдиқ гардид.
Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд, барномаи мазкур бо мақсади татбиқи нишондодҳои қарори Ҳукумати Ҷумҳурии Тоҷикистон аз 9 феврали соли 2016 «Дар бораи Барномаи давлатии рушди муассисаҳои фарҳанги Ҷумҳурии Тоҷикистон барои солҳои 2016-2020» ва иҷрои қарори Маҷлиси вакилони халқи шаҳри Душанбе аз 11 июли соли 2018 «Дар бораи рафти татбиқи барномаву нақшаи чорабиниҳои мақомоти иҷроияи ҳокимияти давлатии шаҳри Душанбе дар соҳаи фарҳанг» роҳандозӣ мегардад.
Тибқи қарори мазкур масъулини Мақомоти иҷроияи ҳокимияти давлатии шаҳри Душанбе ва дигар воҳидҳои зерсохтори он ҷиҳати таъмини татбиқи Барномаи мазкур вазифадор гардиданд.
Ҳамчунин бо ин қарор Сарраёсати молияи шаҳри Душанбе муваззаф гардидааст, ки барои татбиқи «Барномаи рушди муассисаҳои фарҳанги шаҳри Душанбе барои солҳои 2018-2020» мутобиқи замимаи пешниҳодгардида маблағҳои заруриро дар буҷети соҳаи фарҳанг пешбинӣ намояд.
Бояд зикр кард, ки Раёсати фарҳанги мақомоти иҷроияи ҳокимияти давлатии шаҳри Душанбе ҳамоҳангсози татбиқи Барномаи мазкур муқаррар гардид. Раёсати мазкур вазифадор гардидааст, ки ҳар нимсола доир ба корҳои анҷомёфта гузориш пешниҳод намояд.
Қарори мазкур барои тасдиқ ба Маҷлиси вакилони халқи шаҳри Душанбе пешниҳод карда мешавад.
Рустами Эмомалӣ бо мақсади бунёди Маҷмааи эҳёи хотираи таърихӣ бо бостоншиносону таърихнигорон вохӯрӣ намуданд
Имрӯз иҷлосияи чоруми Маҷлиси вакилони халқи шаҳри Душанбе, даъвати ҳафтум доир гардид
ДУШАНБЕ-ШАҲРИ САБЗ. Дар пойтахт зиёда аз 12 миллион дона гулҳои мавсимию бисёрсола шинонида мешаванд
Бо иштироки 2500 нафар кӯдакон дар Душанбе барномаи фарҳангӣ-фароғатӣ баргузор гардид
Дар чор ноҳияи шаҳри Душанбе намоиш-фурӯши маҳсулоти мавриди ниёзи аввал оғоз гардид
Иҷлосияи чоруми Маҷлиси вакилони халқи шаҳри Душанбе, даъвати ҳафтум баргузор мегардад
Озмуни «Беҳтарин маводи телевизионӣ, матбуотӣ ва радиоӣ дар шаҳри Душанбе» баргузор мегардад
«QR-РОҲНАМО». Шаҳри Душанбе ба марҳилаи нави сайёҳии рақамӣ қадам мегузорад
Дар Душанбе бахшида ба Рӯзи Парчами давлатӣ бо иштироки 20 ҳазор нафар ҳамоиши идона доир шуд
Рустами Эмомалӣ бо Сафири Чин дар Тоҷикистон Го Ҷитзюн мулоқот намуданд
Дар Душанбе даври шаҳрии Озмуни ҷумҳуриявии «Ҳунарманди сол» ҷамъбаст гардид
Таҷлили бошукуҳи Рӯзи Президенти Ҷумҳурии Тоҷикистон дар шаҳри Душанбе
