Дар Душанбе ҳамкории байнипарлумонии Тоҷикистону Чин баррасӣ гардид
ДУШАНБЕ, 12.12.2018. /АМИТ «Ховар»/. Имрӯз муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Абдуҷаббор Азизӣ бо муовини раиси Шӯрои миллии сиёсии машваратии музофоти Хайнани Ҷумҳурии Мардумии Чин Ванг Ёонг ва ҳамроҳонаш, ки бо сафари корӣ дар шаҳри Душанбе қарор доранд, мулоқот намуд.
Тавре аз Хадамоти матбуоти Маҷлиси намояндагон ба мухбири АМИТ «Ховар» хабар доданд, ҷонибҳо зимни суҳбат масоили ҳамкории байнипарлумонии кишварҳоро мавриди баррасӣ қарор доданд.
Зикр шуд, ки робитаҳои байнипарлумонӣ ба раванди мукаммал гардонидани ҳамшарикии дуҷонибаи Тоҷикистон ва Чин бо мазмуну мундариҷаи нав метавонанд дар сатҳи назаррас мусоидат намоянд.
«Ҷонибҳо аз сатҳи кунунии робитаҳои байнипарлумонӣ, иқтисодию тиҷоратӣ, энергетикӣ ва илмию фарҳангӣ, ки самтҳои асосии ҳамкории дуҷонибаю бисёрҷониба ташкил медиҳанд, изҳори қаноатмандӣ намуда, хоҳони густариши минбаъдаи онҳо гардиданд»,- хабар дод манбаъ.
Бояд гуфт, ки пас аз соҳибистиқлол гардидани Тоҷикистон таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва эълон намудани сиёсати «дарҳои боз» робитаҳои мутақобилаи мамлакати мо бо кишварҳои хориҷӣ дар сатҳи назаррас ба роҳ монда шудаанд, ки Ҷумҳурии Мардумии Чин ҳамчун шарики стратегӣ дар ин миён мақоми хос дорад.
Дар мулоқот инчунин доир ба ҳамкории ду ҷониб дар доираи созмонҳои бонуфузи байналмилалӣ табодули назар карда шуд.
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Бахшида ба Рӯзи забони давлатӣ дар Маҷлиси намояндагон ҳамоиши идона доир гардид
Вакилони Маҷлиси намояндагон дар ҷаласаи Ассамблеяи парлумонии САҲА иштирок доранд
Раиси Маҷлиси миллии Маҷлиси Олӣ, Раиси шаҳри Душанбе муҳтарам Рустами Эмомалӣ дар саҳни бинои нави Парлумони Тоҷикистон дарахт шинонданд
Ҷаласаи якуми иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати шашум доир шуд
Раиси Маҷлиси намояндагони Маҷлиси Олии Ҷумҳурии Тоҷикистон бо Вазири ҳаҷ ва умраи Арабистони Саудӣ вохӯрӣ намуд
26 СЕНТЯБР — РӮЗИ МАҶЛИСИ ОЛӢ — ПАРЛАМЕНТИ ҶУМҲУРИИ ТОҶИКИСТОН. Маҷлиси Олӣ мақоми олии намояндагӣ ва қонунгузор мебошад
Ҳамкорӣ байни Маҷлиси намояндагон ва барномаҳои Созмони Милали Муттаҳид дар Тоҷикистон тақвият меёбад
Мавсума Муинӣ бо ҳайати намояндагони Дафтари минтақавии Комиссари Олии СММ оид ба ҳуқуқи инсон дар Осиёи Марказӣ мулоқот намуд
Дар Узбекистон вохӯрии роҳбарони дастгоҳи парлумонҳои давлатҳои Осиёи Марказӣ доир гардид
Робитаҳои байнипарлумонии Тоҷикистон ва Узбекистон тақвият меёбанд
Маҳмадтоир Зокирзода: «Тақвияти ҳамгироии минтақавӣ дар Осиёи Марказӣ зарурати воқеӣ мебошад»
