Президенти Тоҷикистон дастур доданд, ки ба масъалаи таъмини деҳот бо оби тозаи ошомиданӣ диққати ҷиддӣ дода шавад

Декабрь 26, 2018 12:05

ДУШАНБЕ, 26.12.2018. /АМИТ «Ховар»/. Сарчашмаи бисёр бемориҳо ба об вобастагӣ дорад. Бинобар бартараф намудани ин мушкилот Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯз зимни пешниҳоди Паёми навбатии худ ба Парлумони мамлакат изҳор намуданд, ки бо вуҷуди он ки Тоҷикистон дорои захираҳои бузурги об мебошад, таъминоти аҳолӣ бо оби босифати ошомиданӣ беҳбудии ҷиддӣ талаб менамояд.

Сарвари давлат иброз доштанд, ки Ҳукумати Тоҷикистон дар якҷоягӣ бо шарикони рушд татбиқи 17 лоиҳаи давлатии сармоягузориро дар сатҳи обтаъминкунии аҳолӣ дар ҳаҷми 2,4 миллиард сомонӣ оғоз намуд, ки то имрӯз 50 фоизи он амалӣ гардидааст.

Пешвои миллат зикр намуданд, ки дар самти кишоварзию обёрии мамлакат 35 лоиҳа ба маблағи умумии 5,4 миллиард сомонӣ татбиқ шуда истодаанд. Вале тавре таҳлилҳо нишон медиҳанд, зиёда аз 80 фоизи маблағ барои рушди шабакаҳои обрасонӣ ба маркази шаҳру ноҳияҳо равона мегардад.

Бинобар ин Президенти мамлакат дастур доданд, ки барои ҳалли ин масъала дар деҳот зарур аст ба он таваҷҷуҳи бештар зоҳир карда шавад. Зеро беш аз 73 фоизи аҳолӣ дар он ҷо зиндагӣ мекунанд.

Декабрь 26, 2018 12:05

Хабарҳои дигари ин бахш

НИШАСТИ МАТБУОТӢ. Маркази тадқиқоти стратегии Тоҷикистон бо 50 маркази тадқиқотии давлатҳои хориҷӣ ҳамкорӣ мекунад
Кумитаи телевизион ва радио барои кормандон бинои истиқоматии дорои 144 ҳуҷра бунёд мекунад
Дар Шаҳринав марҳилаи дуюми сохтмони бинои Маркази омода намудани наҷотдиҳандагон оғоз меёбад
Сокинони шаҳри Кӯлоб бо барқ ва оби ошомиданӣ таъминанд
Дар километри 62-юми роҳи Душанбе-Чаноқ тарма фаромада, ҳаракати нақлиёт маҳдуд карда шуд
ДАСТГИРИИ НИЁЗМАНДОН. Ба беш аз 200 ҳазор нафар нафақагирон кумакҳои яквақта пардохт карда шуданд
Агентии миллии иттилоотии Тоҷикистон «Ховар» бо ҷоизаи «Беҳтарин муассисаи тарғиботӣ дар соли 2022» сарфароз гардонида шуд
ТАВАҶҶУҲ! Шаҳрвандони Тоҷикистон бояд то 15 феврал симкортҳои худро тибқи шиносномаи намунаи соли 2014 дубора ба қайд гиранд
Байни Тоҷикистон ва Малайзия ҳамкории илмию таҳқиқотӣ густариш меёбад
БАДАХШОН-ДАРВОЗАИ ТИЛЛОИИ ТОҶИКИСТОН. Ба истиқболи 35-солагии Истиқлоли давлатӣ бунёди беш аз 1000 иншоот дар назар аст
Имрӯз дар Душанбе маросими ҷоизасупории соҳаи кор бо ҷавонон дар соли 2022 баргузор шуд
НИШАСТИ МАТБУОТӢ. 398 нафар барои напардохтани маблағи алимент дар кофтуков қарор доранд