Вазири корҳои дохилӣ аз дидбонгоҳҳои сарҳадӣ боздид намуд
ДУШАНБЕ, 17.12.2018 /АМИТ «Ховар»/. 15 декабри соли 2018 Вазири корҳои дохилии Ҷумҳурии Тоҷикистон, генерал-полковники милитсия Рамазон Раҳимзода дар доираи сафари корӣ ба Вилояти Мухтори Кӯҳистони Бадахшон аз дидбонгоҳҳои сарҳадии Қӯшунҳои сарҳадии КДАМ боздид ба амал овард.
Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.
Вазири корҳои дохилӣ зимни боздид бо шароити хизматӣ ва фаъолияти дидбонгоҳҳои сарҳадӣ аз наздик шинос шуда, ҷиҳати беҳтар ба роҳ мондани фаъолият ва таҳкими ҳамкорӣ бо аҳолии маҳаллӣ дар масъалаи ҳифзи сарҳади давлатӣ ба масъулин дастуру супоришҳо дод.
Вазир ба масъулини дидбонгоҳҳои сарҳадӣ супориш дод, ки ба масъалаи дар ҳолати хуб нигоҳ доштани низоми гармидиҳӣ диққати зарурӣ диҳанд, зеро дар ин минтақаи кӯҳистон зимистон тӯлонӣ шуда, ҳаво дар баъзе минтақаҳо то 45 дараҷа хунук мешавад.
Ёдовар мешавем, ки дар мамлакат дар тӯли даҳ соли охир беш аз 150 дидбонгоҳҳои хурд ва бузург ба истифода дода шуданд. Ин дар ҳолест, ки сарҳадчиёни мо дар ҷабҳаи аввали ҳифзи марзи Ватан қарор дошта, амнияти сарҳади давлатии Ҷумҳурии Тоҷикистонро ба таври шабонарӯзӣ таъмин менамоянд.
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
