Дар Муъминобод барои риоя накардани қоидаю меъёрҳои санитарию гигиенӣ 68 нафар шахсони воқеӣ ва ҳуқуқӣ ҷарима баста шуданд
МУЪМИНОБОД, 02.01.2019 /АМИТ «Ховар»/. Кормандони Маркази назорати давлатии санитарию эпидемиологии ноҳияи Муъминобод баҳри пешгирии бемориҳои сироятӣ, назорати тозагии муҳити зист, ҳолати санитарии муассисаҳои мактабӣ ва томактабӣ, коммуналӣ, савдо, хӯроки умумии шахсию давлатӣ, пешгирии заҳролудшавӣ ва дигар бемориҳои сироятӣ тадбирҳои зарурӣ андешида, дар ин самт корҳои муайянеро ба сомон расонида истодаанд.
Тавре директори марказ Сафаралӣ Назаров иттилоъ дод, баҳри муташаккилона бурдани назорати давлатии санитарӣ дар самтҳои мазкур нақшаю тадбирҳои солона нисбат ба пешгирии бемориҳои сироятӣ, бемориҳои ба воситаи эмгузаронӣ идорашаванда, тропикӣ ва зардпарвин амалӣ мешаванд.
Ба гуфтаи манбаъ, Маркази назорати давлатии санитарию эпидемиологии ноҳияи Муъминобод дар 11 моҳи соли гузашта аз 555 нуқтаҳои таҳти назорат дар 242-тоаш санҷиш гузаронид. Дар ин давра аз ҷониби масъулини марказ 18 санҷиши муштарак дар якҷоягӣ бо сохторҳои назоратӣ, аз ҷумла бо намояндагони прокуратура ва ШВКД дар бораи бехатарии маҳсулоти хӯрокворӣ ва ҳимояи ҳуқуқи истеъмолкунандагон гузаронида шуданд. Дар натиҷа 562 кг маҳсулоти хӯроквории пастсифат ва муҳлати истеъмолашон гузашта, инчунин 228 дона бозичаҳои кӯдаконаи ба талаботи қоидаҳои меъёрҳои санитарӣ ҷавобгӯ набуда аз савдо боздошта шуданд, ки маблағи умумии онҳо 6174 сомониро дар бар мегирад.
Гуфта мешавад, ки барои риоя накардани қоидаю меъёрҳои санитарию гигиенӣ нисбат ба 68 нафар шахсони воқеию ҳуқуқӣ санадҳои ҳуқуқвайронкунии маъмурӣ тартиб дода шуда, ба маблағи 7000 сомонӣ ҷарима баста шуданд.
Даври ҷумҳуриявии Фестивал-озмуни «Як матову сад ранг» ва намоиш-фурӯши маҳсулоти ҳунармандӣ доир мешавад
5 май дар баъзе минтақаҳои Тоҷикистон сар задани сел дар назар аст
Ғолибони даври ниҳоии Олимпиадаи ҷумҳуриявии донишҷӯёни муассисаҳои таҳсилоти миёнаи касбӣ қадрдонӣ карда шуданд
Дар Кӯлоб бо мақсади бартарафсозии оқибатҳои офати табиӣ ҷаласаи навбатии ситоди вилоятӣ доир гардид
Дар Кӯлоб бо иштироки Сарвазири Тоҷикистон ҷаласаи Ситоди ҷумҳуриявӣ баргузор шуд
Бо супориши Президенти Ҷумҳурии Тоҷикистон муҳтарам Эмомалӣ Раҳмон Сарвазири Тоҷикистон Қоҳир Расулзода ба шаҳри Кӯлоб сафар намуд
ОГОҲӢ. Дар баъзе шаҳру ноҳияҳои Тоҷикистон то 4 май хавфи сар задани сел боқӣ мемонад
Дар шаҳри Кӯлоб дар пайи бориши пай дар пай сел омада, ба хонаҳои сокинон хисорот расид
Собиқадори хизмати давлатӣ Тоҳир Рашид: «Обод намудани Ватан ибодат ва аз гӯшаи имон аст»
Дар Душанбе густариши ҳамкории Тоҷикистону Покистон дар соҳаи меҳнат ва касбомӯзӣ баррасӣ гардид
Тоҷикистон ва Бавария ҳамкориро дар самти таҳсилоти касбӣ густариш медиҳанд
Оид ба ҳамкорӣ дар самти ҷалби мутахассисони ҷавони соҳибтахассус Ёддошти тафоҳум ба имзо расид
