ПЕШ АЗ БА РОҲ БАРОМАДАН ДУРУСТИИ МОШИНАТОНРО САНҶЕД. Тавсияҳои Кумитаи ҳолатҳои фавқулода ба ронандагон
ДУШАНБЕ, 19.01.2019. /АМИТ «Ховар»/. Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба ронандагоне, ки дар рӯзҳои сербориш сафар доранд, ҷиҳати таъмини бехатарӣ якчанд тавсия пешниҳод намудааст.
Дар ин бора аз Кумитаи мазкур ба АМИТ «Ховар» хабар доданд.
«Аввал дурустии мошинро санҷед, камбудиҳои онро ислоҳ намоед. Мошинро бо маводи сӯхт пурра таъмин кунед ва бо худ сӯзишвории иловагӣ бигиред, то дар ҳолати зарурат барои гарм кардани он истифода кунед», — омадааст дар иттилоияи манбаъ.
Кумитаи ҳолатҳои фавқулода аз ронандагон хостааст, ки чархҳои тобистонаро бо зимистона иваз кунанд Мошинҳои калонҳаҷму боркашро бо занҷирҳои зидди лағжиш дар яхҳо, чароғҳои фурӯзон, панҷараи радиатор таъмин ва дурустии системаи гармидиҳии онро тафтиш намоянд.
Ин ҳушдори кумита дар ҳолест, ки Агентии обуҳавошиносии Тоҷикистон қаблан 20 январ дар мамлакат якбора сард шудани ҳаворо пешгӯӣ намуд. Ба иттилои Агентии мазкур, дар ин рӯз ҳаво сербориш шуда, борону барфи омехта метавонад ҳаракати нақлиётро дар роҳҳои кӯҳӣ мушкилтар созад.
Аз ин хотир, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба ронандагон тавсия медиҳад, ки дар ин рӯзҳо ҳатман бо худ либоси гарм, чароғ, бели хурд, таноби мошинкаш, гӯгирд, чалак бо маводи сӯхт ва оби гарм гиранд.
Кумита ба хотири пешгирии ҳар гуна ҳодисаҳо дар ин рӯзҳо аз ронандагон даъват ба амал овардааст, ки аз ҳаракат ва гаштҳои тез худдорӣ кунанд.
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
