Масъулини Муассисаи давлатии нигоҳдории роҳҳои мошингарди шаҳри Норак, Ёвон ва Сангвор ҷарима шуданд
РАШТ, 02.02.2019. /АМИТ «Ховар»/. Мутахассисони раёсати минтақавии Хадамоти давлатии назорат ва танзим дар соҳаи нақлиёт дар минтақаи Рашт соли 2018 нисбат ба 4914 нафар ронандагону соҳибкорон, ки қонунгузории соҳаи нақлиётро вайрон кардаанд, санадҳои ҳуқуқвайронкунии маъмурӣ тартиб доданд. Маблағи ҷаримаи онҳо 675 ҳазору 450 сомониро ташкил медиҳад.
Тибқи иттилои мутахассисони раёсати Хадамоти давлатии назорат ва танзим дар соҳаи нақлиёт дар минтақаи Рашт, мушкилоти асосӣ дар роҳҳои мошингарди байналмилалӣ ва ҷумҳуриявӣ дар минтақа аз тарафи ронандагон риоя накардани қоидаҳои ҳамлу нақли бори хавфнок, калонҳаҷм, риоя накардани қоидаҳои боркашонӣ ва худсарона баромадани ронандагони воситаҳои нақлиёт аз самтҳои муқарраршудаи ҳаракат мебошад.
То имрӯз 3 ҳазору 917 нафар бинобар риоя накардани талаботи моддаҳои 322, 323, ва 311-и Кодекси ҳуқуқвайронкунии маъмурии Ҷумҳурии Тоҷикистон ба ҷавобгарии маъмурӣ кашида шуданд. Инчунин ҷиҳати иҷрои Қарори Ҳукумати Ҷумҳурии Тоҷикистон «Дар бораи тасдиқи қоидаҳои аз роҳҳои мошингард гузаштани воситаҳои нақлиёт бо вазн ва андозаҳое, ки аз меъёрҳои муқарраршуда зиёданд», дар роҳҳои автомобилгарди минтақа назорати ҷиддӣ гузаронида, 118 нафар ронандагони воситаҳои нақлиёти боркашониро барои риоя накардани ҳамлу нақли борҳои калонҳаҷм ва вазнин бо маблағи 295 000 сомонӣ ҷарима намудаанд.
Дар назорати раёсати Хадамоти давлатии назорат ва танзим дар соҳаи нақлиёт дар минтақаи Рашт 1965 км роҳҳои мошингард мавҷуд аст, ки аз ин 484 км роҳи байналмилалӣ, 368 км роҳи ҷумҳуриявӣ ва 1112 км роҳи маҳалӣ мебошад.
Барои таъмиру нигоҳдории ин роҳҳо дар минтақаи Рашт 12 адад муассисаҳои давлатии нигоҳдории роҳҳои автомобилгард дар асоси иҷозатнома хизматрасонӣ менамоянд.
Мутаассифона, соли 2018 бинобар хунукназарӣ ҷиҳати нигоҳдории роҳҳои мошингард нисбат ба сардори муассисаҳои давлатии нигоҳдории роҳҳои мошингард дар шаҳри Норак Сафаралӣ Саидов, сармуҳандиси МДНРА дар шаҳри Норак Холмаҳмад Худойбердиев, самуҳандиси МДНРА дар ноҳияи Ёвон ва сардори МДНРА дар ноҳияи Сангвор аз тарафи мутахассисони Хадамоти давлатии назорат ва танзим дар соҳаи нақлиёт санадҳои ҳуқуқвайронкунии маъмурӣ тартиб дода, тариқи судҳои шаҳру ноҳияҳои мазкур аз онҳо ҷаримаҳо ситонида шуданд.
ЗАБОНИ МИЛЛӢ ВА ВАҲДАТИ МИЛЛӢ. Таҳти ин унвон дар Кумитаи забон ва истилоҳот ҳамоиш доир гардид
Дар Душанбе вобаста ба ҳамкории Тоҷикистон бо Аврупо конференсияи ҷумҳуриявӣ доир гардид
ВАҲДАТИ МИЛЛӢ — АРЗАНДАТАРИН НЕЪМАТ ВА БУЗУРГТАРИН САРМОЯ. Дар «Роҳи оҳани Тоҷикистон» ҳамоиш баргузор шуд
Дастаи вилояти Хатлон дар Мусобиқаи варзишӣ оид ба волейбол байни мардон сазовори ҷойи аввал гардид
Дар Норак Дави миллӣ ва марафони велосипедронӣ баргузор шуд
Имрӯз дар Тоҷикистон ҳавои камабри бебориш пешгӯӣ мешавад
Нақши воситаҳои ахбори оммаи маҳаллӣ дар таҳкими Ваҳдати миллӣ. Дар ноҳияи Рӯдакӣ дар ин мавзуъ конференсия доир гардид
Дар Душанбе Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» муаррифӣ гардид
«ПЕШВОИ МИЛЛАТ – МУНОДИИ АСИЛИ ВАҲДАТ». Таҳти чунин унвон дар Осорхонаи миллӣ намоиш ва конфронс доир шуд
Дар Бохтар амалишавии «Барномаи рушди иҷтимоию иқтисодии вилояти Хатлон барои солҳои 2021-2025» баррасӣ шуд
КАМЕРАҲОИ ХУДКОРИ ДУШАНБЕ. Марҳилаи аввали сабти қоидавайронкуниҳо оид ба таваққуфи нодурусти воситаҳои нақлиёт оғоз гардид
Корҳои сохтмонӣ дар бинои асосии Неругоҳи барқи обии «Себзор» вусъат меёбанд
