Тоҷикистону Қатар бо терроризм ва экстремизм муборизаи якҷоя хоҳанд бурд
ДУШАНБЕ, 19.02.2019. /АМИТ «Ховар»/. 16-18 феврали соли равон бо даъвати расмии Сарвазир-Вазири корҳои дохилии Давлати Қатар Шайх Абдулло бин Носир бин Халифа Оли Сонӣ ҳайати Вазорати корҳои дохилии Ҷумҳурии Тоҷикистон бо роҳбарии Вазири корҳои дохилӣ, генерал-полковники милитсия Рамазон Раҳимзода ба шаҳри Доҳаи Давлати Қатар сафар намуд. Дар ин бора аз маркази матбуоти Вазорати корҳои дохилии мамлакат ба мухбири АМИТ «Ховар» хабар доданд.
Ба иттилои манбаъ, дар ин сафар Рамазон Раҳимзода бо Сарвазир- Вазири корҳои дохилӣ, Прокурори генералӣ, Намояндаи махсуси Давлати Қатар оид ба масъалаҳои мубориза бо терроризм ва роҳбарияти Коллеҷи полиси Давлати Қатар мулоқот намуда, аз Кумитаи тадорукоти Ҷоми ҷаҳон оид ба футбол — 2022 боздид ба амал овард.
«Вазири корҳои дохилии Ҷумҳурии Тоҷикистон бо намояндагони воломақоми қудратии Давлати Қатар ҳамкории дуҷонибаро дар самти таъмини амният, тартиботи ҷамъиятӣ, муборизаи муштарак бар зидди терроризму экстремизм, ифротгароии хушунатомез, гардиши ғайриқонунии маводи мухаддир ва дигар ҷиноятҳои замони муосир мавриди муҳокима қарор дод», — илова намуд манбаъ.
Зимнан, бояд гуфт, ки муносибатҳои дипломатӣ байни Тоҷикистон ва Қатар моҳи декабри соли 1994 барқарор шудаанд. Заминаи ҳуқуқии ҳамкории ҳарду мамлакатро созишномаҳои дуҷонибаи ҳамкорӣ ташкил медиҳанд.
Ёдовар мешавем, ки дар ҷараёни сафари мазкур бо мақсади тақвият бахшидани ҳамкорӣ байни Академияи Вазорати корҳои дохилии Ҷумҳурии Тоҷикистон ва Коллеҷи полиси Давлати Қатар Протоколи ҳамкорӣ дар соҳаи таълимоти полисӣ ба имзо расид.
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
