Қувваҳои Мусаллаҳи Тоҷикистон қобилияти таъмини оромию ҳаёти осоиштаро доранд,-бардошт аз ҷамъомади тантанавӣ дар қисмҳои низомии ноҳияи Фирдавсӣ
ДУШАНБЕ, 22.02.2019. /АМИТ «Ховар»/. Дар қисми низомии 01-23-и Қӯшунҳои сарҳадии КДАМ Ҷумҳурии Тоҷикистон, воқеъ дар ноҳияи Фирдавсӣ бахшида ба 26-умин солгарди таъсиси Қувваҳои Мусаллаҳи Ҷумҳурии Тоҷикистон ҷамъомади тантанавӣ баргузор гардид. Дар ҷамъомад инчунин сарбозону афсарони қисмҳои низомии 01-21-и Қӯшунҳои сарҳадии КДАМ ҶТ ва 100-40-и Вазорати мудофиаи ҶТ, ки дар ноҳияи мазкур ҷойгиранд, ширкат варзиданд.
Тавре хабарнигори АМИТ «Ховар» иттилоъ медиҳад, қабл аз оғози ҷамъомади идона иштирокдорону меҳмонон, собиқадорони ҷангу меҳнат, хонандагони муассисаҳои таҳсилоти умумӣ, гирандагони стипендияҳои президентӣ ва стипендияҳои Раиси шаҳри Душанбе, роҳбарони муассисаву ташкилотҳои ноҳия ва падару модарон бо шароити зисти афсарону сарбозон шинос гардиданд.
Сипас дар толори Маркази таълимии «Пойтахт» ҷамъомади тантанавӣ оғоз гардид. Гуфта шуд, ки Ҳукумати Ҷумҳурии Тоҷикистон баҳри мустаҳакам намудани қобилияти мудофиавии мамлакат, баланд бардоштани сатҳи омодагии ҳарбӣ, беҳтар гардонидани шароити моддиву техникӣ ва вазъи иҷтимоии хизматчиёни ҳарбӣ пайваста ғамхорӣ менамояд.
Қувваҳои Мусаллаҳ дар тӯли 26 соли таъсис баҳри ҳифзи ҳуқуқ, озодиҳои инсон ва мудофиаи марзу буми кишвар дар давраҳои тақдирсози миллат барои соҳибистиқлолии Тоҷикистон саҳми арзанда гузоштаанд. Имрӯз он қобилияти таъмини Истиқлолият, якпорчагии хоки Ватан ва оромию ҳаёти осоиштаро дошта, вазифаҳои худро дар таъмини тинҷию осудагӣ ва ҳифзи тартиботи ҷамъиятӣ содиқона ва софдилона иҷро менамояд.
Меҳмонону собиқадорон низ оид ба таҳкими сулҳу субот дар кишвар, арҷгузорӣ ба муқаддасоти миллӣ ва Артиши миллии Ҷумҳурии Тоҷикистон ҳарф зада, ҷавононро ба ватандӯстиву хештаншиносӣ, ҳимояи Ватан — модар ҳидоят намуданд.
Дар анҷоми ҳамоиш ба ҳайати шахсии афсарону сарбозони қисмҳои ҳарбии ҳудуди ноҳия туҳфаҳои хотиравӣ, аз ҷумла телевизорҳо ва сипосномаву ифтихорномаҳо тақдим гардиданд.
Ҳунарнамоии дастаи ҳунарии Муассисаи давлатии «Иттиҳодияи давлатии гурӯҳҳои эҷодию консертӣ» ба ҳамоиш шукӯҳи тоза бахшид.
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
