Қувваҳои Мусаллаҳи Ҷумҳурии Тоҷикистон-сипари истиқлолият ва Ваҳдати миллӣ
ДУШАНБЕ, 23.02.2019. /АМИТ «Ховар»/. Бахшида ба 26-солагии таъсиси Қувваҳои Мусаллаҳи Ҷумҳурии Тоҷикистон дар Донишкадаи идоракунии давлатии назди Президенти Ҷумҳурии Тоҷикистон ҷамъомади тантанавӣ баргузор гардид.
Тавре аз Донишкадаи мазкур хабар доданд, дар он намояндагони Агентии хизмати давлатӣ ва Вазорати мудофиаи Ҷумҳурии Тоҷикистон иштирок намуданд.
Ректори Донишкадаи идоракунии давлатии назди Президенти Ҷумҳурии Тоҷикистон Абдухалил Ғафурзода иброз намуд, ки Артиши миллии Тоҷикистон дар замони басо мураккаб таъсис дода шуда, дар таъмини сулҳ ва Ваҳдати миллӣ нақши босазо гузошт.
Зикр гардид, ки моҳи декабри соли 1992 аз ҷониби Сарвари давлат Эмомалӣ Раҳмон Қарор «Дар бораи таъсиси Қувваҳои Мусаллаҳи Ҷумҳурии Тоҷикистон» ба имзо расид. Дар асоси он Қувваҳои мусаллаҳи мамлакат дар заминаи неруҳое, ки ҳукумати конститутсиониро ҷонибдорӣ мекарданд, таъсис дода шуданд. Маҳз 23 феврали соли 1993 дар пойтахти мамлакат- шаҳри Душанбе аввалин гузашти низомӣ баргузор гардида, аз таъсиси он ба мардум мужда расонида шуд. Артиши пуриқтидори имрӯзаи Тоҷикистон дар замоне таъсис ёфт, ки дар мамлакат вазъ ноором буд ва заминаи моддию техникӣ барои таъсиси он мавҷуд набуд.
Иштирокдорон оид ба заминаи ҳуқуқӣ ва қонунгузории таъсиси Артиши миллӣ сухан карда, гуфтанд, ки ҳоло дар мамлакат қонунҳои Ҷумҳурии Тоҷикистон «Дар бораи мудофиа» — 4 ноябри соли 1995, «Дар бораи Қувваҳои Мусаллаҳи Ҷумҳурии Тоҷикистон» — 13 декабри соли 1996, «Дар бораи уҳдадории умумии ҳарбӣ ва хизмати ҳарбӣ» — 29 ноябри соли 2000 ва дигар санадҳои меъёриву ҳуқуқӣ амал мекунанд.
Ба иттилои манбаъ, мақсад аз баргузории ҷамъомад баланд бардоштани ҳисси ватандӯстиву ватанпарастӣ, ифтихори миллӣ, омодагии ҷисмонӣ ва маънавии ҷавонон мебошад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
