Дар Суғд Иди байналмилалии Наврӯзро бо ҳунарнамоии карнайнавозону доирадастон таҷлил намуданд
ХУҶАНД, 22.03.2019. /АМИТ «Ховар»/. 21 март дар Муассисаи давлатии «Қасри маданияти Арбоб»-ноҳияи Бобоҷон Ғафуров тантанаҳои асосии вилоятии Иди байналмилалии Наврӯзи вилояти Суғд бо иштироки васеи намояндагони шаҳру ноҳияҳои вилоят, собиқадорони меҳнат, аҳли зиё, ташкилотҳои ҷамъиятӣ ва байналмилалӣ, воситаҳои ахбори омма ҷашн гирифта шуд. Дар он муовини якуми Сарвазири Ҷумҳурии Тоҷикистон Давлаталӣ Саид ва Раиси вилояти Суғд Раҷаббой Аҳмадзода ширкат намуданд.
Дар ин рӯз даромадгоҳи Қасри маданияти Арбоб ба худ ҷойгоҳи идона касб карда буд. Зеро растаю хаймаҳои идона бо риояи анъанаҳои миллӣ суфраҳои наврӯзии ҳафтсину ҳафтшин ва таомҳои миллии хоси Наврӯз, шириниҳои миллӣ, суманак, маҳсулоти ҳунарҳои мардумӣ ба намоиш гузошта шуда, барномаҳои бадеии театрикунонидашуда ва фарҳангӣ, ҳунарнамоии карнайнавозону дойрадастон, қироати суруди “Бойчечак” аз ҷониби толибилмон ба иштирокдорони чорабинии наврӯзӣ рӯҳияи идона бахшид.
Муовини якуми Сарвазири Ҷумҳурии Тоҷикистон Давлаталӣ Саид ва Раиси вилояти Суғд Раҷаббой Аҳмадзода зимни иштирок дар барнома аз растаю хаймаҳои наврӯзӣ дидан намуда, мардуми Суғдзаминро бо ин Иди аҷдодӣ — Наврузи хуҷастапай табрик намуданд. Зикр шуд, ки Наврӯз аз ҷашнҳои куҳани тоҷикон маҳсуб ёфта, дар солҳои соҳибистиқлолӣ суннатҳои хоссаи наврӯзӣ эҳё гардида, маҳз бо талошҳои пайвастаи Пешвои миллат муҳтарам Эмомалӣ Раҳмон Наврӯз дубора дар сархати ҷашнҳои миллии тоҷикон қарор гирифт. Ин аст, ки шукӯҳи он ҳамасола боло меравад.
Инчунин дар доираи таҷлили тантанаҳои наврӯзӣ бо иштироки Давлаталӣ Саид ва Раҷаббой Аҳмадзода дар шаҳри Хуҷанд бинои нави озмоишгоҳи Донишкадаи политехникии Донишгоҳи техникии Тоҷикистон ба номи академик М.Осимӣ, ки аз се ошёна иборат буда, озмоишгоҳҳои он барои ихтисосҳои технологияҳои нигоҳдорӣ ва коркарди маҳсулоти хӯрокӣ, экологияи саноат ва истифодаи оқилонаи захираҳои табиию меъморӣ равона гардидаанд ва қаҳвахонаи «Шоҳона», ки бо ташкили он 25 нафар бо ҷойи кор таъмин шуданд, ифтитоҳ гардид.
Инчунин дар ин рӯз дар маркази шаҳри Гулистон Боғи фарҳангӣ-фароғатии навбунёд, ки дар масоҳати 0,55 гектар ҷой гирифта, аз ду фаввора, шаршара бо андозаи 12х4 метр, ду минтақаи шоҳмоти заминии калонҳаҷм ва таваққуфгоҳ барои нақлиёт иборат аст, мавриди истифода қарор гирифт.
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
