Пешгирии ҷинояткорӣ дар доираи ҳамкории байналмилалӣ
ДУШАНБЕ, 27.03.2019. /АМИТ «Ховар»/. Дирӯз муовини Вазири корҳои дохилӣ Икром Умарзода, роҳбарияти раёсатҳои дастгоҳи марказии ВКД ва котиби дуюми шуъбаи таъминоти ҳуқуқии Вазорати корҳои хориҷӣ Муродбек Асламзода бо директори фарогирии глобалӣ ва дастгирии минтақавии Котиботи генералии Интерпол Рорейма Андриани ва ҳайати гурӯҳи кории он мулоқот намуданд.
Тавре аз Вазорати корҳои дохилӣ ба АМИТ «Ховар» хабар доданд, зимни вохӯрӣ Икром Умарзода меҳмононро ба сарзамини Тоҷикистон хайрамақдам гуфта, иброз намуд, ки бо дастгирии ҳамаҷонибаи Ҳукумати Ҷумҳурии Тоҷикистон ва саъю кӯшишҳои Вазири корҳои дохилӣ Рамазон Раҳимзода дар доираи созишномаву санадҳои меъёрии ҳуқуқие, ки ба имзо расидаанд, рӯз то рӯз ҳамкории судманди Бюрои марказии миллии Интерполи Вазорати корҳои дохилии Тоҷикистон бо Котиботи генералии Интерпол қавитар мегардад.
Зимни вохӯрӣ ҷонибҳо оид ба ҳамкории судманди дуҷониба, ошкору пешгирии ҷиноятҳо, дастгиру безараргардонии ташкилоту гурӯҳҳои дорои хусусияти террористиву эктремистӣ, мубодилаи иттилоот, боздошти ҷинояткорони дар ҷустуҷӯ қарордошта, инчунин ҷиҳозонидани сохторҳо бо техникаву таҷҳизоти муосири корбарӣ ибрози андеша намуданд.
Директори фарогирии глобалӣ ва дастгирии минтақавии Котиботи генералии Интерпол Рорейма Андриани зикр кард, ки баҳри пешбурди самти фаъолият ва ноил гардидан ба дастовардҳои нав ба нав роҳбарияти Котиботи генералии Интерпол омода аст тамоми дастгириву кумаки худро расонад ва дар безараргардонии ташкилоту гурӯҳҳои ҷиноятпеша ва пешгирии ҷинояткорӣ саҳмгузор бошад.
Дар фарҷом ҷонибҳо бо итминон иброз доштанд, ки ин вохӯрӣ дар қавитар гардидани ҳамкории минбаъда нақши муҳим хоҳад гузошт.
Дар Душанбе Форуми амниятии Осиёи Марказӣ баргузор мешавад
Бо сокинони шаҳри Конибодом дар мавзуи худогоҳию худшиносии миллӣ вохӯрӣ баргузор шуд
Дар мавзуи «Худогоҳию худшиносии миллӣ – василаи мубориза бо таассуб ва хурофот» бо сокинони шаҳри Исфара вохӯрӣ доир шуд
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
Кормандони Суди конститутсионии Тоҷикистон бо аҳли ҷамоати шаҳри Турсунзода вохӯрӣ намуданд
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
ПАСТ КАРДАНИ ХАВФИ ОФАТҲОИ ТАБИӢ. Беш аз 60 миллион сомонӣ барои ҳифзи минтақаҳои осебпазир ҷудо гардид
Дар Хатлон мубориза бар зидди зуҳуроти номатлубу хатарнок пурзӯр карда мешавад
ФАРЗАНДОНРО АЗ ТАҲСИЛ МАҲРУМ НАКУНЕД! Дар Душанбе беш аз 40 ҳолати монеъ шудан ба таҳсил ошкор карда шуд
