Рамазон Раҳимзода: «Мақсади асосии ислоҳот-таъмини волоияти қонун ва демократикунонии он дар ҳимояи ҳуқуқу озодиҳои инсон мебошад»
ДУШАНБЕ, 13.03.2019. /АМИТ «Ховар»/. Дар Китобхонаи миллии Тоҷикистон дар доираи татбиқи Стратегия ва Барномаи ислоҳоти милитсия бо иштироки Вазири корҳои дохилӣ Рамазон Раҳимзода, иҷрокунандаи роҳбари Дафтари Созмони амният ва ҳамкории Аврупо дар Душанбе Геррит Зах, намояндагони сафоратхонаҳои хориҷи кишвар, ташкилотҳои хориҷӣ ва сардорони раёсатҳои Вазорати корҳои дохилӣ ҷаласаи гурӯҳӣ оид ба идораи ислоҳоти милитсия ва вохӯрии ҳамоҳангсозии шарикон доир гардид.
Тавре аз Вазорати корҳои дохилӣ ба АМИТ «Ховар» хабар доданд, ҷаласаро Вазири корҳои дохилӣ Рамазон Раҳимзода оғоз намуда, зикр кард, ки тибқи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бо мақсади беҳтар намудани фаъолияти мақомоти корҳои дохилӣ ҳанӯз моҳи апрели соли 2012 коркарди санадҳои муҳими барномавӣ оид ба ислоҳоти милитсияи Тоҷикистон ба роҳ монда шуд.
Мақсади асосии ислоҳот, пеш аз ҳама, таъмини волоияти қонун, демократикунонии он дар ҳимояи боэътимоди ҳуқуқу озодиҳои инсон мебошад, зеро дар 27 соли охир дар Ҷумҳурии Тоҷикистон тағйироти иқтисодӣ, иҷтимоӣ ва сиёсӣ ба вуқӯъ омада, муносибатҳои ҷамъиятии сифатан нав ба вуҷуд оварданд. Дар ин марҳала системаи ҳуқуқӣ ба таври ҷиддӣ тағйир ёфта, амалияи он низ дигаргун шуда истодааст. Мустаҳкам намудан ва инкишоф додани фаъолияти мақомоти ҳифзи ҳуқуқ яке аз самтҳои муҳими сиёсати Ҳукумати Ҷумҳурии Тоҷикистон ба ҳисоб меравад, ки милитсия як ҷузъи асосии он мебошад.
-Дар ин ҷода, аз ҳама муҳим, мустаҳкам намудани алоқаи милитсия бо мардум, таъмини шаффофияти фаъолияти он ва ба стандартҳои байналмилалӣ мутобиқ намудани фаъолияти милитсия мебошад, — афзуд мавсуф.
Иҷрокунандаи роҳбари Дафтари САҲА дар Душанбе Геррит Зах зикр намуд, ки Дафтари САҲА дар Душанбе бо Вазорати корҳои дохилӣ ҳамкории зич дошта, баҳри амалигардонии Барномаи ислоҳоти милитсия дар Тоҷикистон корҳои зиёде ба анҷом расонидааст. Бо дастгирии Ҳукумати Ҷумҳурии Тоҷикистон ва ташаббусҳои Вазири корҳои дохилӣ дар доираи амалигардонии ислоҳоти милитсия то имрӯз дар шаҳри Душанбе ва дигар шаҳру навоҳии ҷумҳурӣ марказҳои ҳамкории милитсия бо ҷомеа бо ҳуҷраҳои кории нозирони минтақавии милитсия сохта, бо тамоми таҷҳизоти зарурии корбарӣ муҷаҳҳаз гардонида шудаанд.
Дар интиҳо, Вазири корҳои дохилӣ оид ба дурнамои ҳамкорӣ дар самти ислоҳоти милитсия ва робита бо ҷомеаи шаҳрвандӣ ибрози андеша намуд.
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
