Таҷлили Рӯзи Модар дар Қӯшунҳои сарҳадии КДАМ Ҷумҳурии Тоҷикистон
ДУШАНБЕ, 08.03.2019. /АМИТ «Ховар»/. Бахшида ба Рӯзи Модар дар Маркази таълимии «Пойтахт»-и Қӯшунҳои сарҳадии КДАМ Ҷумҳурии Тоҷикистон бо иштироки занону бонувони хизматчиёни ҳарбӣ ва ҳайати шахсӣ чорабинии тантанавии идона баргузор гардид. Дар ин бора ба мухбири АМИТ «Ховар» аз Қӯшунҳои сарҳадии КДАМ Ҷумҳурии Тоҷикистон хабар доданд.
Бино ба иттилои манбаъ, дар оғоз Фармондеҳи Қӯшунҳои сарҳадии КДАМ Ҷумҳурии Тоҷикистон Раҷабалӣ Раҳмоналӣ ҳайати шахсии бонувонро бо ин ҷашни фархунда табрик намуд. Мавсуф аз дастовардҳои занону духтарон, ки имрӯзҳо бо ташаббуси Сарвари давлат ҷиҳати баланд бардоштани мақоми занон дар ҷомеа дар вазифаҳои роҳбарикунандаи раёсату шуъбаҳо ва хадамот фаъолияти пурсамар доранд, сухан карда, саҳми арзандаи занону модаронро дар пешрафти соҳаҳои гуногуни иҷтимоӣ ва таҳкими нақши зан дар ҳаёти ҷамъиятию сиёсӣ зикр намуд. Таъкид гардид, ки имрӯз бонувони тоҷик дар баробари ба дунё овардани тифл, тарбияи фарзанд ва мушкилоти зиндагӣ, боз таъмини суботу оромиро бар ӯҳда доранд, ки ин мояи ифтихор аст.
Имрӯзҳо садҳо нафар хизматчиёни ҳарбии зан дар баробари мардон паҳлӯ ба паҳлӯ истода, дар таъмини ҳифзи сарҳадӣ давлатӣ ва амнияти шаҳрвандон, аз худ истеъдоду лаёқати баланди корбарӣ ва садоқат ба ин пешаи пурифтихорро зоҳир менамоянд. Сипас аз ҷониби ансамбли ҳарбии «Марзбон» ва сарояндагони эстрадаи тоҷик барномаи фарҳангӣ пешниҳоди ҳозирин гардид.
Имрӯз дар баъзе минтақаҳои Тоҷикистон чангу ғубор ба амал меояд
Дар Суди конститутсионӣ Рӯзи Парчами давлатӣ таҷлил гардид
Президенти Академияи миллии илмҳои Тоҷикистон ноиби президент ва академики Академияи илмҳои Осиё интихоб гардид
Алоқа барои сохтмон: чӣ тавр имконоти мобилӣ дар бунёди иншоот дар саросари Тоҷикистон кумак менамояд?
Имрӯз дар водиҳои Тоҷикистон ҳаво то 21 дараҷа гарм мешавад
ПАРЧАМИ МО ХУД САРИ БОЛОИ МОСТ! Дар шаҳру ноҳияҳои вилояти Суғд Рӯзи Парчами давлатӣ бошукуҳ таҷлил гардид
«ПАРЧАМАТ БОДО ПАРАФШОН, ТОҶИКИСТОНИ АЗИЗ!». Таҳти ин унвон дар Лахш ҳамоиши идона доир шуд
Дар Агентии суғуртаи иҷтимоӣ ва нафақа Рӯзи Парчами Тоҷикистонро ботантана ҷашн гирифтанд
Дар Москва Рӯзи Парчами давлатии Ҷумҳурии Тоҷикистон таҷлил гардид
Биогаз дар минтақаҳои деҳот: роҳи ҳал ё таҷрибаи муваққатӣ барои Тоҷикистон?
ZET-MOBILE натиҷаҳои давравии иқдоми «Миллионро гир» -ро барои моҳи октябр эълон намуд
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи Парчами давлатиро бошукуҳ таҷлил намуданд
