ЗАНОНУ БОНУВОНИ ТОҶИК – ДАР ЛИБОСИ НИЗОМӢ. Дар Академияи ВКД ҶТ бахшида ба Рӯзи Модар дар мавзӯи «Нақши зан дар ҷомеа ва мақомоти қудратӣ» ҳамоиш доир гардид
ДУШАНБЕ, 07.03.2019 /АМИТ «Ховар»/. Дирӯз дар Академияи Вазорати корҳои дохилии Ҷумҳурии Тоҷикистон бо мақсади гиромидошти Рӯзи Модар дар мавзӯи «Нақши зан дар ҷомеа ва мақомоти қудратӣ» ҳамоиш доир гардид.
Тавре аз Вазорати корҳои дохилӣ ба мухбири АМИТ «Ховар» хабар доданд, дар ҳамоиши бошукӯҳи илмӣ-фарҳангӣ, ки бо ташаббуси Вазорати корҳои дохилӣ ва намояндагии Агентии Япония оид ба ҳамкории байналмилалӣ дар Тоҷикистон баргузор гардид, намояндагон аз вазорату кумитаҳои гуногуни кишвар, шарикони хориҷӣ ва кормандзанони мақомоти корҳои дохилӣ фаъолона ширкат варзиданд.
Дар ҳамоиш сардори Раёсати ҳамкории байналмилалии ВКД Мансур Бухоризода аз номи Вазири корҳои дохилӣ Рамазон Раҳимзода иштирокчиёни ҳамоишро бо Рӯзи Модар табрик гуфта, ба онҳо саломатӣ, умри дароз ва дар фаъолияти душвор, вале пурифтихорашон муваффақиятҳо таманно намуд.
Роҳбари намояндагии Агентии Япония оид ба ҳамкории байналмилалӣ дар Тоҷикистон Хидеки Танабе аз ҳамкории фарҳангиву иқтисодии Тоҷикистону Япония сухан ронда, таҳкими равобити дуҷонибаи дӯстиро ба манфиати ҳарду ҷониб маънидод намуд. Мавсуф дар идома афзуд, ки манзалати зани тоҷик дар пуртоқатӣ, меҳнатдӯстӣ ва вафодорӣ инъикос ёфта, занон дар тарбияи фарзандон ва пешбурди тамоми соҳаҳо, аз ҷумла ҳифзи ҳуқуқу тартибот нақши бориз доранд.
Аввалин генералзани тоҷик, собиқадори Вазорати адлия, генерал-майор Саодат Амиршоева зимни ҳамоиш иброз намуд, ки «занон барои ҳимояи ҳуқуқу манфиатҳои худ, баробарии гендерӣ ва озодӣ талош намуда, номи хешро дар саҳифаи таърих гузоштаанд ва кӯшишу талошҳои онҳоро мо ҳеҷ гоҳ набояд фаромӯш созем».
Ба гуфтаи мавсуф, имрӯзҳо дар 8 мақомоти ҳифзи ҳуқуқ занон либоси низомӣ ба бар намуда, сари китф ситора дар баробари мардон дар як саф қарор доранд.
Прокурори Раёсати назорати умумии Прокуратураи генералии Ҷумҳурии Тоҷикистон, подполковник Гулчеҳра Усмонзода аз он изҳори хушнудӣ намуд, ки дар яке аз мақомоти қудратии мамлакат — ВКД шумораи занони масъулиятшиносу кордон рӯз то рӯз бештар мегардад. Онҳо пайи хизмат ба халқу Ватан равона гардида, ба насли ояндаи милитсия дарс меомӯзонанд. Курсантдухтарон чун идомадиҳандагони кори милитсия ба таълими салоҳиятнок фаро гирифта шудаанд, то оянда сафҳои сохторҳои қудратиро пурра намоянд.
Дар қисмати дуюми ҳамоиш аз ҷониби кормандзанони мақомоти корҳои дохилӣ либосҳои миллии атлас, чакан ва бадахшонӣ, инчунин ҳунарҳои мардумӣ ва маҳорати суханварии занону бонувон намоиш дода шуданд, ки мақбули меҳмонон гардид.
АКСҲО аз бойгонӣ
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
