Беш аз 30 ҳазор нафар донишҷӯёни тоҷик дар хориҷ аз кишвар таҳсили илм доранд
ДУШАНБЕ, 06.04.2019 /АМИТ «Ховар»/. 5 апрели соли равон дар толори конфронсии бинои «Созидание»-и шаҳри Душанбе ҷаласаи Шӯрои «Маҳфили ҷавононе, ки дар хориҷи кишвар таҳсил мекунанд» баргузор гардид. Дар ҷаласаи мазкур Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода, намояндагони Вазорати корҳои хориҷии Ҷумҳурии Тоҷикистон, Вазорати меҳнат, муҳоҷират ва шуғли аҳолии Ҷумҳурии Тоҷикистон, Вазорати маориф ва илми Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, маркази робитаҳои байналмилалии Вазорати маориф ва илм иштирок иштирок ва сухан карданд.
Тавре Раиси Кумитаи кор бо ҷавонон ва варзиш Аҳтам Абдуллозода иброз намуд, бо шарофати сиёсати сулҳпарвариву озодихоҳӣ ва ба роҳ мондани муносибатҳои байналмилалӣ имрӯз дар хориҷи кишвар беш аз 30 ҳазор нафар донишҷӯёни тоҷик таҳсили илм доранд. Аз ин рӯ таъсиси «Маҳфили ҷавонони дар хориҷи кишвар таҳсилдошта» амали нек ва самарабахш мебошад. Ин гуна ҷаласаҳо барои идома ва ҷоннок намудани фаъолияти маҳфил имконияти хуберо фароҳам меорад.
Ҷаласаи Шӯрои мазкур тариқи онлайн баргузор шуда, дар он донишҷӯёни тоҷике, ки дар хориҷ аз кишвар таҳсил доранд, онлайн (мустақим) суҳбат намуда, мушкилот ва дастовардҳои донишҷӯёни тоҷикро дар давлатҳои хориҷ иброз доштанд.
Бояд гуфт, ки «Маҳфили ҷавонони дар хориҷи кишвар таҳсилдошта» аз ҷониби Кумитаи кор бо ҷавонон ва варзиши ҷумҳурӣ 2 марти соли 2014 таъсис ёфта, дар 15 кишвар, аз ҷумла: Россия, Беларус, Қазоқистон, Қирғизистон, Миср, Хитой, Кореяи Ҷанубӣ, Украина, Полша, Германия, Британияи Кабир, Нидерландия, Малайзия ва Озарбойҷон аъзоёни фаъоли худро дорад. Онҳо пайваста бо сафоратхонаҳо ва намояндагиҳои дипломатии Ҷумҳурии Тоҷикистон дар хориҷи ҷумҳурӣ дар ҳамкорӣ буда, барномаҳои гуногун доир менамоянд.
Мақсад аз таъсис додани ин маҳфил баланд бардоштани ҳисси худшиносию худогоҳӣ, эҳсоси гарми ватандӯстӣ ва мустаҳкам намудани робитаи байниҳамдигарии донишҷӯёни тоҷики дар хориҷи кишвар таҳсилдошта мебошад.
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
