Дар Душанбе оид ба намуд, шакл ва шартҳои расонидани кумаки аввалини тиббӣ «Соати парлумонӣ» доир гардид

Апрель 17, 2019 13:18

ДУШАНБЕ, 17.04.2019 /АМИТ «Ховар»/. Имрӯз бо ташаббуси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ таҳти раёсати муовини Раиси Маҷлиси намояндагон Хайриниссо Юсуфӣ дар мавзӯи «Намуд, шакл ва шартҳои расонидани кумаки аввалини тиббӣ» машварати «Соати парлумонӣ» баргузор гардид. Дар ин бора ба АМИТ «Ховар» аз палатаи поёнии Парлумони мамлакат иттилоъ доданд.

Хайриниссо Юсуфӣ иброз намуд, ки мавзўи муҳокимашавандаи имрўза яке аз масъалаҳои муҳим ва рўзмарра ба ҳисоб меравад. Зеро Президенти Тоҷикистон дар Паёми навбатиашон вобаста ба муроҷиатҳои пайдарпаии шаҳрвандон, аз ҷумла беморон зимни расонидани кумаки аввалини тиббӣ ва ҷой доштани камбудию норасоиҳо дар ин самт изҳори норозигӣ намуданд. “Парлумони мамлакат ва Ҳукумати Ҷумҳурии Тоҷикистон ба солимии ҷомеа ва ҳифзи иҷтимоии аҳолӣ низ диққати махсус дода, инфрасохтори муассисаҳои тиббӣ ва ҳифзи иҷтимоии аҳолиро мунтазам тавсеа ва таҳким бахшида истодаанд. Ҳоло дар 19 шаҳру ноҳияи мамлакат «Барномаи кафолатҳои давлатӣ оид ба таъмини аҳолӣ бо кумаки тиббию санитарӣ дар ноҳияҳои таҷрибавии Ҷумҳурии Тоҷикистон барои солҳои 2017-2019» амалӣ гардида истодааст. Ин таҷриба давра ба давра тамоми мамлакатро фаро мегирад”,-зикр намуд Х.Юсуфӣ.

Зир гардид, ки давоми се соли оянда дар кишвар беш аз 560 беморхонаву марказҳои саломатӣ ва дигар иншооти соҳаи тандурустӣ бунёд карда мешаванд.

Бо вуҷуди пешравиҳо ҳоло низ баъзе камбудиҳо, аз ҷумла дар масъалаи расонидани кумаки аввалини тиббӣ, ки аз ҳисоби буҷет маблағгузорӣ мешавад, ба мушоҳида мерасанд.

Дар машварати “Соати парлумонӣ”  муовини якуми Вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода бо гузориши муфассал баромад намуд. Дар фарҷом аз рӯи масъалаи муҳокимагардида   қарори дахлдор қабул карда шуд.

Апрель 17, 2019 13:18

Хабарҳои дигари ин бахш

Дар Маҷлиси намояндагон бахшида ба Рӯзи Ваҳдати миллӣ ҳамоиши идона доир гардид
Ҳайати Маҷлиси намояндагон дар Форуми 20-уми СММ оид ба идоракунии интернет иштирок дорад
Ваҳдати миллӣ арзишмандтарин бозёфт дар таърихи навини давлатдории миллати тоҷик мебошад
Барно Саидвализода: «Ваҳдати миллӣ – ин неъмати бузургу кафолати зиндагии шоистаро пойдор нигоҳ бидорем»
Ҷаласаи навбатии иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар Маҷлиси намояндагон масъалаи обу иқлим ва ҳифзи пиряхҳо баррасӣ шуд
Ваҳдати миллӣ ва рушди парламентаризм дар Тоҷикистон яке аз дастовардҳои муҳими даврони соҳибистиқлолӣ ба шумор меравад
ПЕШВОИ ВАҲДАТОФАР. Ва ё ваҳдате, ки бо шарофати он давлатдории миллии тоҷикон дубора эҳё гардид
Густариши робитаҳои байнипарлумонии Тоҷикистон ва Британияи Кабир баррасӣ гардид
Дар Лондон мулоқоти ҳайатҳои парламентии Тоҷикистон ва Британияи Кабир баргузор мешавад
Имрӯз ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор шуд
Ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор гардид