Дар шаҳри Душанбе хатсайри нави сайёҳии «Сайри гули лола» ташкил шуд
ДУШАНБЕ, 06.04.2019. /АМИТ «Ховар»/. Дар партави дастуру супоришҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти рушди сайёҳӣ, аз ҷониби Кумитаи рушди сайёҳӣ хатсайри нави сайёҳии «Сайри гули лола» дар шаҳри Душанбе ташкил ва ба ширкатҳои сайёҳӣ ва сайёҳон пешниҳод шуд. Дар ин бора ба АМИТ «Ховар» аз Кумитаи рушди сайёҳӣ хабар доданд.
Ба иттилои манбаъ, хатсайри нав дар заминаи боғҳои фарҳангию фароғатӣ, боғу гулгаштҳо, майдону хиёбонҳо омода гардида, писанди сайёҳони дохилию хориҷӣ мебошад.
Воқеан ҳам имрӯзҳо шаҳри Душанбе ба шаҳри лолаҳо табдил ёфта, хатсайри мазкур аз Боғи фарҳангӣ — фароғатии ба номи устод Айнӣ оғоз гардида, тибқи хатсайр боғи назди Бонки миллӣ, лолазори чорроҳаи маркази тиҷоратии «Тоҷикистон», Боғи устод Рудакӣ, композитсияи чакани назди МД «Китобхонаи милли Тоҷикистон», лолазори назди Сирки давлатии Тоҷикистон, боғи фарҳангӣ — фароғатии ба номи Абулқосим Фирдавсӣ ва дигар боғу гулгаштҳоро фарогир гирифта, аз 25 март то 25 апрел идома меёбад.
Имрӯзҳо ширкатҳои сайёҳӣ тамоми меҳмонон ва гурӯҳҳои сайёҳонеро, ки ба Тоҷикистони биҳиштосо ташриф меоранд, ба тамошо ва сайри гулу гулзорҳо ҷалб менамоянд.
«Минбаъд чунин хатсайрҳо дар минтақаҳои ҷумҳурӣ низ ташкил карда мешаванд. Барои тарғибу ташвиқи гули лола роликҳои видеоӣ, навору лавҳа ва расмҳои ҷолиб таҳия гардида, тавассути воситаҳои ахбори омма ва шабакаҳои иҷтимоӣ пахш шуда истодаанд», -илова намуд манбаъ.
Бояд қайд намуд, ки гули лола яке аз гулҳои маъмултарини аввали баҳор буда, зиёда аз 65 намуди он паҳн шудааст ва 25 намуди он дар Тоҷикистон мерӯяд.











Дар Душанбе бахшида ба Рӯзи Президент ҳамоиши тантанавӣ доир гардид
Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд






