Гурӯҳи дӯстии байнипарлумонии Тоҷикистону Туркия робитаҳоро густариш медиҳад

Апрель 13, 2019 12:18

ДУШАНБЕ, 12.04.2019. /АМИТ «Ховар»/. Ҳайати Гурӯҳи дӯстии байнипарлумонии Тоҷикистон-Туркияи Маҷлиси намояндагони Маҷлиси Олии Ҷумҳурии Тоҷикистон бо роҳбарии раиси ин гурӯҳ – муовини раиси кумитаи Маҷлиси намояндагон оид ба энергетика, саноат, сохтмон ва коммуникатсия Баҳром Абдуалимов бо даъвати ҷониби Туркия рӯзҳои 9-12 апрели соли ҷорӣ бо сафари расмӣ дар шаҳри Анқара қарор доштанд.

Тавре ба АМИТ «Ховар» аз Маҷлиси намояндагон хабар доданд, дар доираи сафар мулоқотҳои ҳайат бо Раиси Маҷлиси Бузурги Миллии Туркия Мустафа Шентоп, Раиси Кумитаи саноат, тиҷорат, энергетика, захираҳои табиӣ, илм ва технологияи Маҷлиси Бузурги Миллии Туркия Мустафа Элиташ ва Раиси Гурӯҳи дустии байнипарлумонии Туркия-Тоҷикистон Аҳмед Узер баргузор гардиданд.

Зимни мулоқотҳо ҷонибҳо ба зарурати афзоиши тамосҳо, сафарҳои ҳайатҳои парлумонӣ ба кишварҳои ҳамдигар ва табодули таҷриба дар ин самт таъкид намуданд. Тарафҳо ҳамзамон нақши гурӯҳҳои дӯстии байнипарлумонии ду кишварро дар раванди ҳамкориҳои байнипарлумонӣ ва ба таври умум ҳамкориҳои байнипарлумониро ба сифати омили муҳими густариши минбаъдаи ҳамкориҳои гуногунҷанба миёни Тоҷикистону Туркия хонда, хостори густариши бештари ҳамкориҳо миёни намояндагони парлумонҳои Ҷумҳурии Тоҷикистон ва Ҷумҳурии Туркия гардиданд.

Ҷонибҳо ҳамзамон дар робита ба ҳолати муносибат ва ҳамкориҳо дар соҳаҳои сиёсӣ, иқтисодию тиҷоратӣ, сармоягузорӣ, саноат, маориф, фарҳанг, сайёҳӣ ва дурнамои ҳамкориҳои дуҷонибаи Тоҷикистону Туркия табодули афкор намуданд.

Ҳайати Гурӯҳи дӯстии байнипарлумонии Маҷлиси намояндагон ҳамчунин рӯзҳои 11-12 апрели соли ҷорӣ аз шаҳри Истанбул дидан намуда, бо роҳбарияти Муассисаи робитаҳои иқтисодии хориҷии Туркия  (DEİK) мулоқотҳо анҷом доданд.

Апрель 13, 2019 12:18

Хабарҳои дигари ин бахш

Дар Маҷлиси намояндагон бахшида ба Рӯзи Ваҳдати миллӣ ҳамоиши идона доир гардид
Ҳайати Маҷлиси намояндагон дар Форуми 20-уми СММ оид ба идоракунии интернет иштирок дорад
Ваҳдати миллӣ арзишмандтарин бозёфт дар таърихи навини давлатдории миллати тоҷик мебошад
Барно Саидвализода: «Ваҳдати миллӣ – ин неъмати бузургу кафолати зиндагии шоистаро пойдор нигоҳ бидорем»
Ҷаласаи навбатии иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар Маҷлиси намояндагон масъалаи обу иқлим ва ҳифзи пиряхҳо баррасӣ шуд
Ваҳдати миллӣ ва рушди парламентаризм дар Тоҷикистон яке аз дастовардҳои муҳими даврони соҳибистиқлолӣ ба шумор меравад
ПЕШВОИ ВАҲДАТОФАР. Ва ё ваҳдате, ки бо шарофати он давлатдории миллии тоҷикон дубора эҳё гардид
Густариши робитаҳои байнипарлумонии Тоҷикистон ва Британияи Кабир баррасӣ гардид
Дар Лондон мулоқоти ҳайатҳои парламентии Тоҷикистон ва Британияи Кабир баргузор мешавад
Имрӯз ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор шуд
Ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор гардид