Мулоқоти Пешвои миллат Эмомалӣ Раҳмон бо муовини Раиси Ҷумҳурии Мардумии Чин Ван Тсишан
ДУШАНБЕ, 28.04.2019. /АМИТ «Ховар»/. 28 апрел дар шаҳри Пекин дар ҳошияи иштирок дар Форуми дуюми сатҳи баланди ҳамкориҳои байналмилалӣ “Як камарбанд, як роҳ” Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо муовини Раиси Ҷумҳурии Мардумии Чин Ван Тсишан мулоқот карданд.
Президенти мамлакат муҳтарам Эмомалӣ Раҳмон бори дигар ба роҳбарият ва Ҳукумати Чин барои даъват ҷиҳати иштирок дар кори Форум ва истиқболи самимӣ изҳори сипос карданд.
Ҷонибҳо зимни мулоқот масъалаҳои ҳамкории дуҷониба дар бисёр арсаҳои барои Тоҷикистону Чин судманд, аз ҷумла татбиқи муштараки иқдому ташаббусҳои “Як камарбанд, як роҳ”, “Роҳи иқтисодии Абрешим”, иштироки Чин дар рушду пешрафти кишвари мо ва сармоягузории татбиқи лоиҳаҳои дорои аҳамияти минтақавӣ баррасӣ карда шуд.
Таъкид гардид, ки Тоҷикистону Чин — дӯстони нек, ҳамсояҳои хуб ва шарикони боэътимоди стратегӣ мебошанд. Аз ҷумла гуфта шуд, ки Стратегияи миллии рушди Тоҷикистон то соли 2030 ва ташаббуси “Як камарбанд, як роҳ” барои ҳамкории дуҷониба дар соҳаҳои гуногун заминаҳои мусоид фароҳам меоранд. Ин ду стратегияи муҳим вазифаҳои монандро дар бар гирифта, татбиқи онҳо муносибатҳои Тоҷикистону Чинро таҳкиму густариш хоҳанд дод.
Дар ҷараёни мулоқот ҳамчунин дигар масъалаҳои мавриди таваҷҷуҳ муҳокима гардид.
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Португалия Марселу Ребелу ди Соуза барқияи изҳори тасаллӣ ирсол намуданд
Пешвои миллат Эмомалӣ Раҳмон машварати корӣ доир намуданд
Сафари кории Президенти Ҷумҳурии Тоҷикистон Эмомалӣ Раҳмон ба Ҷумҳурии Мардумии Чин анҷом ёфт
Сарвари давлат Эмомалӣ Раҳмон бо Раиси Кумитаи доимии Маҷлиси умумичинии намояндагони мардумии Чин Чжао Лэтсзи мулоқот намуданд
Имзои санадҳои нави ҳамкорӣ миёни Ҷумҳурии Тоҷикистон ва Ҷумҳурии Мардумии Чин
Президенти Ҷумҳурии Тоҷикистон Эмомалӣ Раҳмон дар чорабинии тантанавӣ дар Пекин иштирок намуданд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Мардумии Чин Си Ҷинпин мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Исломии Покистон Шаҳбоз Шариф мулоқот намуданд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Исломии Эрон Масъуди Пизишкиён мулоқот намуданд
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуданд
Сарвари давлат Эмомалӣ Раҳмон дар ҷаласаи «СҲШ-плюс» дар мавзуи «Татбиқи бисёрҷониба, таъмини амнияти минтақавӣ ва мусоидат ба рушди устувор» иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Бонки Осиёии Сармоягузориҳои Инфрасохторӣ (БОСИ) Ҷин Литсюн мулоқот намуданд
