Дар дӯконҳои китобфурӯшии бозори наздимарзии Теми Хоруғ адабиёти дорои хусусияти экстремистӣ ошкор нагардид
ХОРУҒ, 08.04.2019 /АМИТ «Ховар»/. Мутахассисони шуъбаи дин, танзими анъана ва маросимҳои мақомоти иҷроияи ҳокимияти давлатии Вилояти Мухтори Кӯҳистони Бадахшон дар ҳамкорӣ бо кормандони Раёсати Кумитаи давлатии амнияти миллии ҷумҳурӣ бо мақсади пешгирии фурӯшу паҳн кардани адабиёти дорои хусусияти экстремистӣ ва низои мазҳабӣ дар бозори наздимарзӣ санҷиш баргузор намуданд. Ин бозор дар маҳаллаи Теми шаҳри Хоруғ ҷой гирифтааст ва рӯзҳои шанбе тоҷирони тоҷику афғон моли худро дар ин бозор ба фурӯш мегузоранд, хабар медихад мухбири минтақавии АМИТ “Ховар” аз маркази маъмурии ВМКБ.
Сармутахассиси шуъбаи дин, танзими анъана ва маросимҳои мақомоти иҷроияи ҳокимияти давлатии вилоят Шодихон Ҷумъахонов гуфт, ки дар баробари дигар молу коло чанд сол боз дар ин ҷо тоҷирони афғон фурӯшгоҳи китоб боз кардаанд. Ин санҷиш мутобиқи Қонуни Ҷумҳурии Тоҷикистон «Дар бораи озодии виҷдон ва иттиҳодияҳои динӣ» роҳандозӣ шуда, аснои санҷиш ягон китоб ё дигар навишторе, ки ғояҳои экстремистӣ, ифротгароиву низоъҳои мазҳабиро тарғиб кунанд, ошкор нагардид. Бештари асарҳои бадеӣ ба қалами шоирони форсу тоҷик тааллуқ доранд, ки онҳоро дар дӯконҳои Тоҷикистон низ пайдо кардан мумкин аст.
Як нафар аз тоҷирони афғон, ки худро Паҳлавонмеҳтар муаррифӣ кард, изҳор дошт, ки бештар аз 5 сол боз дар ин бозор китоб мефурӯшад ва медонад, ки дар Тоҷикистон мутолиаи кадом китобҳоро дӯст медоранд. Бештари сокинони шаҳру ноҳияҳои ҷумҳурӣ аз ӯ асарҳои Ҷалолиддини Румӣ, Шамси Табрезӣ, Абуалӣ ибни Сино ва Ҳофизи Шерозиро тақозо мекунанд. Ин тоҷири афғон гуфт, ки «мо аз ҷангу низоъҳои ҳаррӯзаи дохилӣ, куштори бераҳмонаи тундгароён дар ватанамон хаста шудаем ва барои миллати дӯсту бародари тоҷик ҳаргиз чунин рӯзҳоро орзу намекунем. Баръакс, орзу дорем, ки Афғонистон ҳарчи зудтар мисли Тоҷикистон ба як кишвари амну субот табдил ёбад».
Масъулини шуъбаи дин, танзими анъана ва маросимҳои мақомоти иҷроияи ҳокимияти давлатии вилоят тасмим гирифтаанд, ки чунин санҷишҳои муштаракро дар бозорҳои наздимарзии ноҳияҳои Дарвозу Ванҷ ва Ишкошим низ баргузор намоянд.
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
