Дар Душанбе ҷаласаи 46-уми Шўрои роҳбарони мақомоти амниятӣ ва хадамотҳои махсуси давлатҳои иштирокдори ИДМ баргузор гардид
ДУШАНБЕ, 22.05.2019. /АМИТ «Ховар»/. 20-22 майи соли равон дар шаҳри Душанбе ҷаласаи 46-уми Шўрои роҳбарони мақомоти амниятӣ ва хадамотҳои махсуси давлатҳои иштирокдори Иттиҳоди Давлатҳои Мустақил (ИДМ) баргузор гардид. Дар он ҳайатҳои Озарбойҷон, Арманистон, Беларус, Қазоқистон, Қирғизистон, Россия, Тоҷикистон ва Ӯзбекистон, инчунин роҳбарияти Маркази зиддитеррористии ИДМ иштирок намуданд.
Зимни ҷаласаи мазкур мушкилоти мубрами мубориза бар зидди терроризму ифротгароӣ ва дигар ҷиноятҳои фаромиллӣ мавриди баррасӣ қарор гирифтанд.
Иштирокдорони ҷаласа ба шарикон оид ба мушкилоти миллии мубориза бар зидди терроризм маълумот дода, доир ба ташкили муқовимат бо терроризм табодули таҷриба ва роҳҳои ҳаллро пешниҳод карданд. Аз ҷумла, Директори ФСБ (Хадамоти федералии амниятӣ)-и Россия Александр Бортников, ки раисии Шӯроро ба зимма дошд, таъкид намуд, ки ҳамгироии хадамоти махсуси кишварҳои ИДМ «имкон дод, ки давоми сол ҳашт ячейкаи террористӣ ошкор ва беш аз 100 аъзои онҳо дастгир гарданд». А.Бортников ҳамчунин зикр кард, ки яке аз самтҳои асосии ҳамкории хадамоти махсуси ИДМ табодули пайвастаи маълумоти оперативӣ мебошад. Маълумоти дастрасгардида махзани байналмилалии маълумот оид ба муқовимат бо терроризм, махзани махсусгардонидаи маълумоти Маркази зиддитеррористии ИДМ ва дигар низомҳои маълумотии мавриди истифодаи коллективиро пурра месозад. Ҳамзамон таъкид карда шуд, ки вазъияти баамаломада «такмили мунтазами амалҳои муштаракро дар самти мубориза бар зидди терроризм, бо дарназардошти тадбирҳои пешгирикунанда тақозо мекунад».
Аъзои Шўрои роҳбарони мақомоти амниятӣ ва хадамотҳои махсуси давлатҳои иштирокдори ИДМ дар самти андешидани тадбирҳои иловагӣ ҷиҳати тақвият бахшидани ҷустуҷўи байналамилалии ҷинояткороне, ки дар амалҳои террористиву экстремистӣ даст доранд, ҳамчунин таҳким бахшидани ҳамкориҳои хадамотҳои махсус барои роҳандозии амалиётҳои оперативӣ-ҷустуҷўӣ ва чорабиниҳо оид ба пешгирӣ аз интиқоли ҷангиён-террористон дар ҳудуди Иттиҳоди Давлатҳои Мустақил ба мувофиқа расиданд. Зимни ҷаласа масоили амнияти иттиоотӣ ва таҳкими ҳамкорӣ дар самти муқовимат ва пешгирӣ аз паҳншавии идеологияи ифротгароӣ, аз ҷумла тавассути шабакаҳои интернетӣ мавриди муҳокима қарор дода шуд.
Дар ҷаласаи 46-уми Шӯрои роҳбарони хадамотҳои махсуси давлатҳои аъзои ИДМ ҳамчунин масоили пешгирии истифодаи роҳҳои муҳоҷират бо мақсадҳои террористӣ, муқовимат бо маблағгузории терроризм, аз ҷумла ҳисоби маблағҳои интиқоли ғайриқонунии маводи мухаддир баррасӣ гардиданд. Дар баробари ин, фаъолияти Шӯрои ҳамоҳангсоз ва Кумитаи техникии махзани маълумоти муттаҳиди мақомоти амният ва хадамоти махсуси ИДМ дар самти мубориза бо ҷиноятҳои муташаккил оғоз гардид. Таъкид карда шуд, ки терроризм дорои хусусияти ҷаҳонию байналмилалӣ буда, ба шароити муосир мутобиқ мешавад, шакл ва усулҳои фаъолияти худро тағйир медиҳад, фазои истифодаро барои расидан ба пешрафти илмиву техникӣ, аз ҷумла васоити коммуникатсия тавсеа мебахшад ва хусусияти мукаммалтар касб мекунад. Дар робита ба ин, иштирокдорони ҷаласа доир ба ҳамоҳангии талошҳо ҷиҳати татбиқ ва тақвияти маҷмӯи тадбирҳои аз байн бурдани ин хатар изҳори ҳавасмандӣ намуданд. Намояндагони ҳайатҳо доир ба зарурати андешидани талошҳои муштарак дар самти пешгирии роҳҳои маблағгузории терроризм, аз ҷумла манбаи асосии маблағгузории он – тиҷорати маводи мухаддир, ки ба неруи дорои иқтидори бузурги молиявӣ ва техникӣ мубаддал гаштааст ва ба амнияти байналмилалӣ таҳдиди ҷиддӣ дорад, ҳамфикр буданд. Ҳамчунин мавзӯи истифодаи роҳҳои муҳоҷират барои ҷалб ва интиқоли ҷангиён ба кишварҳои сеюм ва баръакс матраҳ гардид.
Иштирокдорони ҷаласа якдилона зикр карданд, ки Тоҷикистон дар мубориза бар зидди терроризм, ифротгароӣ ва ҷинояткории муташаккил мавқеи устувор дорад. Барои баргузории ҷаласаи 46-уми Шӯрои роҳбарони хадамотҳои махсуси давлатҳои аъзои ИДМ дар пойтахти Ҷумҳурии Тоҷикистон тамоми шароити зарурӣ фароҳам оварда шуда буд, ки ба муҳокимаи ҳамаҷонибаи масъалаҳои рӯзнома мусоидат намуд.
Дар фарҷоми ҷаласа як зумра санадҳо оид ба таҳкиму тавсеаи ҳамгироии шарикӣ ва муттаҳид намудани талошҳои умумии хадамотҳои махсуси ИДМ дар самти муқовимат бо таҳдидҳои воқеии амният ба имзо расиданд.
Маркази матбуоти КДАМ ҶТ
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
