Дар Душанбе татбиқшавии Лоиҳаи миллии идораи хатари офатҳо оғоз шуд
ДУШАНБЕ, 22.05.2019. /АМИТ «Ховар»/. Дар шаҳри Душанбе маросими оғози татбиқи Лоиҳаи миллии идораи хатари офатҳо баргузор гардид.
Тавре АМИТ «Ховар» бо истинод ба маркази матбуотии Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон иттилоъ медиҳад, дар маросим Раиси Кумитаи мазкур, генерал-лейтенант Рустам Назарзода, Намояндаи ваколатдори Бонки Рушди Осиё дар Ҷумҳурии Тоҷикистон Прадипа Сривастава ва роҳбарону намояндагони ташкилотҳои байналмилалии муқими мамлакат иштирок намуданд.
Ба иттилои манбаъ, Лоиҳаи миллии идораи хатари офатҳоро Ҳукумати Ҷумҳурии Тоҷикистон дар шахси Кумитаи ҳолатҳои фавқулодда ва мудофиаи гражданӣ ва Бонки Рушди Осиё амалӣ мекунанд.
Бояд гуфт, ки Лоиҳа дар асоси Стратегияи миллии Ҷумҳурии Тоҷикистон оид ба коҳиши хатари офатҳо барои солҳои 2019-2030 ва Барномаи рушди Кумитаи ҳолатҳои фақулода ва мудофиаи гражданӣ барои солҳои 2018-2022 таҳия шуда, дар се самт татбиқ мегардад.
«Татбиқи васеъи идораи хатари офатҳои табиӣ дар идораҳои давлатӣ, таҳкими иқтидор барои идораи офатҳои табиӣ ва кам кардани талафот, инчунин таҳияи харитаи роҳ барои сармоягузориҳои минбаъда ва устувории маблағгузорӣ самтҳои асосии раванди амалишавии Лоиҳа мебошанд», — илова намуд манбаъ.
Мавриди зикр аст, ки татбиқи Лоиҳаи мазкур ба ҳалли вазифаҳо дар самти идораи коҳиши хатари офатҳои табиӣ мусоидат намуда, он ба арзёбии маконҳои хатарнок ба ҳама гуна ҳолатҳои фавқулода, омодагӣ ва бозомӯзии кадрҳо, таҳкими иқтидори техникии Кумитаи ҳолатҳои фавқулода ва мудофаи гражданӣ муфид мебошад.
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
Орзуи миллионер шудан бо ZET-MOBILE воқеъист
Дар қаламрави Тоҷикистон заминларза ба амал омад
ИНТЕРНЕТИ ХОНАГӢ. Тамоми сол бе нигаронӣ ва бидуни пардохтҳои ҳармоҳа!
Имрӯз дар водиҳои Тоҷикистон бориши борон ва барф пешгӯӣ мешавад
IRS: Дар шоҳроҳи Душанбе — Чаноқ баландии барф то 15 сантиметр мерасад
