Дар ноҳияи Ҷайҳун вазъи риояи меъёрҳои ҳуқуқиву ахлоқиро баррасӣ намуданд
ДУШАНБЕ, 16.05.2019. /АМИТ «Ховар»/. Дирӯз дар ноҳияи Ҷайҳун ҷиҳати боз ҳам тақвият бахшидани ҳамкории кормандони милитсия бо ҷомеаи шаҳрвандӣ мулоқоти сардори ШВКД дар ноҳия Баҳодур Холиқзода бо фаъолон баргузор гардид.
Тавре аз Вазорати корҳои дохилӣ ба АМИТ «Ховар» хабар доданд, дар вохӯрӣ намояндагони мақомоти иҷроияи ҳокимияти давлатии ноҳия, мудирони шуъба ва бахшҳои САҲШ, омӯзгорон, имомхатибон ва намояндагони воситаҳои ахбори омма иштирок доштанд.
Зимни мулоқот иштирокчиён оид ба содиршавии кирдорҳои ҷиноятӣ аз ҷониби ҷавонону ноболиғон, масъалаҳои доғи рӯз, аз қабили терроризму экстремизм, оворагардӣ, дуздиву ғоратгарӣ махсусан бемасъулиятии баъзе волидон нисбат ба таълиму тарбияи фарзанд бо овардани далелу рақамҳои дақиқ сухан гуфтанд.
Зикр гардид, ки риоя намудани меъёрҳои ҳуқуқиву ахлоқӣ аз ҳар як узви ҷомеа, алалхусус аз падару модарон ва фарзандон қатъӣ талаб карда мешавад, зеро оромиву осоиштагии миллату давлат ба зиндагии дурусти шаҳрвандон вобастагӣ дорад.
Дар ҷараёни вохӯрӣ миёни аҳли ҷамоат ва кормандони милитсия саволу ҷавоб сурат гирифта, иштирокчиён вобаста ба мушкилоти ҷойдошта посухҳои мушаххас гирифтанд.
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
Имрӯз дар баъзе ноҳияҳои Тоҷикистон чангу ғубор ба амал меояд
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
ҚУРБИ АСЪОР: 1 рубли русӣ аз 0.1000 то 0.1069 сомонӣ муқаррар шудааст
