Кӯмаки Роналду ба сокинони Фаластин ба муносибати моҳи шарифи Рамазон

ДУШАНБЕ, 18.05.2019./АМИТ «Ховар»/. Ситораи тобноки футболи ҷаҳон, бозингари  бошгоҳи  «Ювентус»-и Италия ва дастаи мунтахаби Португалия   Криштиану Роналду барои сокинони Фаластин $1,5 миллион  кӯмак кард. Ин амали хайрро  футболбози машҳури португалӣ ба хотири моҳи шарифи Рамазон анҷом додааст, хабар медиҳад АМИТ «Ховар» бо истинод ба «Спутник».

Бояд  зикр  намуд, ки ин ёрии авввалини Роналду барои сокинони кишвари Фаластин нест. Ӯ соли 2012, дар ауксион «Кафши тиллоӣ»-и худро фурӯхта, ба мактаббачагони Фаластини минтақаи Ғаза 1,5 млн евро кӯмак намуда буд. Инчунин, соли 2014 варзишгар бахшида ба иди Қурбон $2 млн доллар хайр  кардааст.