Радиои «Озодӣ»: 84 нафар кӯдакони тоҷикро аз Ироқ ба Душанбе бозоварданд
ДУШАНБЕ, 01.05.2019. /АМИТ «Ховар»/. Шаби 30 апрел тавассути ҳавопаймои ширкати “Fly Irbil”-и Ироқ 84 нафар кӯдакони тоҷик аз лагерҳо ва зиндонҳои Ироқ ба Душанбе баргардонида шуданд. Инҳо фарзандони ҷангиёне мебошанд, ки ба шабакаҳои гурӯҳҳои ифротгаро пайваста, ба Ироқ рафтаанд ва онҷо ба сафи гурӯҳи террористии Давлати исломӣ ва дигар ташкилотҳои ифротгаро шомил шудаанд. Баргардонидани кӯдакони бегуноҳ бо кӯшишҳои Зубайдулло Зубайдзода, Сафири Фавқулода ва Мухтори Тоҷикистон дар Кувайт ва Ироқ сурат гирифтааст, менависад Радиои «Озодӣ».
Мақомоти Тоҷикистон иттилоъ доданд, ки «баргардондани кӯдакони тоҷик аз Ироқ бо дастгирии Ҳукумати Тоҷикистон ва дар ҳамкорӣ бо вазоратҳои корҳои хориҷии Ироқу Кувайт ва созмонҳои байналмилалӣ, бахусус ЮНИСЕФ сурат гирифтааст», — зикр мекунад «Озодӣ».
Баъзеи ин кӯдакон чанд сол пеш ҳамроҳи волидони худ ба маҳалли ҷанг дар Ироқ рафта, бархеи дигар дар онҷо ба дунё омадаанд. Падарони аксари онҳо ба ҳайси ҷангҷӯи ДИИШ кушта, фирорӣ ё беному нишон шудаанд, модаронашон дар зиндонҳои Бағдод нигаҳдорӣ мешаванд. Ба иттилои расмӣ, ҳоло дар зиндонҳои Ироқ 43 зани тоҷик ҳастанд.
Раҷабмоҳ Ҳабибуллозода, Ваколатдор оид ба ҳуқуқи кӯдак дар Тоҷикистон ба Радиои Озодӣ гуфт, ин кӯдакон аз ташхиси тиббиву равонӣ мегузаранд. «Агар хешовандон майл доранд, онҳоро ба тарбия ва парастории худ мегиранд. Агар аз онҳо рӯй гардонанд, давлат кӯдаконро ба тарбия фаро мегирад. Барои ба ҷомеа ворид намудани кӯдакон ва таҳсили онҳо ҳамаи тадбирҳо андешида мешаванд», — афзуд ӯ.
Хабарнигори Радиои «Озодӣ» хабар медиҳад, ки дар фурудгоҳи Душанбе хешовандони наздики баъзе аз кӯдакон низ ҷамъ омада буданд.
Эмомалӣ Раҳмон: «Масъалаи талафоти неруи барқ ва истифодаи ғайриқонунии он дар ҷумҳурӣ ташвишовар аст»
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
Президенти Тоҷикистон Эмомалӣ Раҳмон: «Пиряхҳои мо танҳо манбаи об барои минтақа набуда, дар ҳифзи иқлими минтақа низ нақши муҳим мебозанд»
Пиряхҳои Тоҷикистон боигарии бебаҳои табиӣ ва сарчашмаҳои муҳими оби тоза дар Осиёи Марказӣ мебошанд
ҶОИЗАИ «ШАҲРИ СУЛҲ». Онро Душанбе барои саҳми беандоза дар таҳкими сулҳ ва арзишҳои башарӣ бо қарори ЮНЕСКО соҳиб гардид
МАСЪУЛИЯТИ ШАҲРВАНДӢ. Барои ғайриқонунӣ истифода бурдани неруи барқ ҷавобгарии ҷиноятӣ муқаррар гардид
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
