Раиси Маҷлиси намояндагон бо Вазири корҳои хориҷии Япония Таро Коно мулоқот намуд
ДУШАНБЕ, 20.05.2019. /АМИТ «Ховар»/. 19 майи соли равон Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров бо Вазири корҳои хориҷии Япония Таро Коно, ки дар ҳошияи мулоқоти ҳафтуми вазирони корҳои хориҷии Муколамаи «Осиёи марказӣ + Япония» бо сафари расмӣ дар Тоҷикистон қарор дошт, мулоқот анҷом дод. Дар мулоқот масъалаҳои густариши ҳамкории байнипарлумонии Ҷумҳурии Тоҷикистон ва Япония, ҷалби сармояи мустақими ин мамлакат дар рушди иқтисодиёти Тоҷикистон мавриди баррасӣ қарор гирифтанд.
Тавре котиби матбуотии Маҷлиси намояндагон Муҳаммадато Султонов ба АМИТ «Ховар» иттилоъ дод, дар мулоқоти мазкур Шукурҷон Зуҳуров зикр намуд, ки миёни ду мамлакат барои рушди минбаъдаи ҳамкори заминаи хуб мавҷуд буда, Ҷумҳурии Тоҷикистон ва Япония дар чаҳорчӯбаи Созмони Милали Муттаҳид, инчунин дигар созмонҳои бонуфузи ҷаҳониву ниҳодҳои молиявӣ ҳамкории судманд доранд.
«Ҷонибҳо оид ба рушди муносибатҳо дар соҳаҳои маориф, фарҳанг, тандурустӣ, беҳдошт, некӯаҳволии аҳолӣ, пешгирии офатҳои табиӣ, омодасозӣ ва такмили тахассуси кадрҳо мубодилаи афкор намуданд»,- афзуд манбаъ.
Зикр шуд, ки робитаҳои иқтисодию тиҷоратии ду мамлакат дар сатҳи хуб ба роҳ монда шуда, барои рушди минбаъдаи он тадбирҳои зарурӣ андешида мешаванд.
Шукурҷон Зуҳуров ва Таро Коно доир ба густариши робитаҳои байнипарлумонии ду мамлакат, ҷалби сармояи мустақими Япония ба иқтисодиёти Тоҷикистон ва дигар масъалаҳои мавриди таваҷҷуҳ ҳавасмандӣ зоҳир намуданд.
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид
Вакили Маҷлиси намояндагон дар Саммити минтақавии парлумонии кишварҳои Аврупои Шарқӣ ва Осиёи Марказӣ иштирок намуд
Ҷаласаи якуми иҷлосияи дуюми Маҷлиси намояндагон баргузор гардид
Дар шаҳри Душанбе иҷлосияи сеюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир гардид
