Беш аз 200 нафар кормандони Бонки миллии Тоҷикистон дар Бонки марказии Франсия такмили ихтисос намуданд

Июнь 11, 2019 10:48

ДУШАНБЕ, 11.06.2019 /АМИТ «Ховар»/. Маҷмӯи масъалаҳои ҳамкории низоми бонкии Тоҷикистону  Франсия   ва табодули таҷриба дар соҳаи бонкӣ дар мулоқоти Раиси Бонки миллии Тоҷикистон Ҷамшед Нурмаҳмадзода ва  Мушовири Президенти Франсия  оид ба масъалаҳои иқтисодӣ бо кишварҳои Осиёи Марказӣ  Паскал Лоро дар Душанбе баррасӣ гардид.

Ҷ.Нурмаҳмадзода доир ба муҳимияти тақвияти низоми бонкӣ, иброз дошт, ки Бонки миллии Тоҷикистон омодаи ҳамкории судманди дуҷониба аст.

Мавсуф афзуд, ки Бонки миллии Тоҷикистон дар гузашта бо Бонки марказии Франсия ва институтҳои молиявию қарзии  ин  кишвар   ҳамкории зич ба роҳ монда буд. Дар доираи  ин ҳамкорӣ давоми солҳои 1999 – 2006 беш аз 220 нафар кормандони Бонки миллии Тоҷикистон дар Институти молиявӣ – бонкии Бонки марказии Франсия  такмили ихтисос намуданд.

«Барои барқарор кардани равобити судманд мо дар фурсати кӯтоҳтарин  лоиҳаи ҳамкориро дар самтҳои барои низоми бонкии Тоҷикистон афзалиятнок омода ва пешниҳод менамоем», -илова кард  Раиси Бонк.

Паскал Лоро аз таҷрибаи ҳамкории ду кишвар дар самти низоми бонкӣ ёдовар шуда, зикр кард, ки хоҳони дар сатҳи сифатан нав ба роҳ мондани  муносибот  мебошад. Номбурда  иброз дошт, ки барои барқарор ва тақвияти  ҳамкорӣ ният дорем бо Бонки миллии Тоҷикистон ёддошти тафоҳум ба имзо расонем.

Ҳамзамон дар мулоқот Сафири Франсия  дар Тоҷикистон хонум Ясмин Гуэдар доир ба зарурати тавсеаи ҳамкории байнибонкӣ миёни ду кишвар  ибрози назар карда, афзуд, ки: «умедворем сафари дарпешистодаи Президенти Ҷумҳурии Тоҷикистон муҳтарам Эмомалӣ Раҳмон ба Франсия  ба рушди ҳамкории низоми бонкии ду давлат такони нав хоҳад бахшид».

Дар мулоқот дигар масъалаҳои марбут ба рушди ҳамкорӣ байни бонкҳои тиҷоратии Тоҷикистон ва Франсия, ҳамкорӣ дар самти сиёсати пулию қарзӣ, идораи захираҳои байналмилалӣ, роҳҳои коҳиш додани қарзҳои ғайрифаъол дар сандуқи қарзӣ матраҳ гардиданд.

Июнь 11, 2019 10:48

Хабарҳои дигари ин бахш

ТАВАҶҶУҲ! Шурӯъ аз 1 май дар шоҳроҳи Душанбе-Чаноқ маҳдудияти мавсимӣ ҷорӣ мешавад
Ба Қонуни Ҷумҳурии Тоҷикистон «Дар бораи ҳифзи муҳити зист» тағйирот ворид гардид
Бозиҳои II кишварҳои ИДМ, шабеҳи Спартакиадаи халқҳои ИҶШС, аз 3 то 15 авусти соли 2023 дар Беларус баргузор мегарданд
КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
Дар Душанбе дурнамои нишондиҳандаҳои рушди соҳаҳои воқеии иқтисоди миллӣ баррасӣ гардид