Дар Душанбе ҷаласа оид ба таҳияи лоиҳаи «Стратегияи миллии рушди маорифи Ҷумҳурии Тоҷикистон барои солҳои 2021-2030» идома дорад
ДУШАНБЕ, 19.06.2019. /АМИТ «Ховар»/. Дар шаҳри Душанбе ҷаласа оид ба таҳияи лоиҳаи «Стратегияи миллии рушди маорифи Ҷумҳурии Тоҷикистон барои солҳои 2021-2030» ҷараён дорад. Дар оғози ҷаласа, ки дирӯз дар Муассисаи давлатии «Душанбе-Плаза» оғоз гардид, Вазири маориф ва илми Ҷумҳурии Тоҷикистон Нуриддин Саид, намояндагони Маҷлиси намояндагони Маҷлиси Олии Ҷумҳурии Тоҷикистон, Хазинаи кӯдакони СММ ЮНИСЕФ, дафтари ЮНЕСКО дар Алмато, намояндагии Иттиҳоди Аврупо дар Ҷумҳурии Тоҷикистон, шарикони рушд ва намояндагони муассисаҳои таҳсилоти олии касбӣ, сардорони раёсат ва шуъбаҳои маорифи шаҳру ноҳияҳои ҷумҳурӣ иштирок намуданд.
Тавре аз маркази матбуоти Вазорати маориф ва илми Ҷумҳурии Тоҷикистон ба АМИТ «Ховар» хабар доданд, Нуриддин Саид таҳияи лоиҳаи Стратегияи зикргардидаро судманд арзёбӣ намуда, аз шарикони рушд барои дастгириҳои пайвастаашон дар густариш ва ривоҷи соҳаи маориф изҳори сипос намуд.
Вазири маориф ва илм ҳамчунин зикр кард, ки «моро мебояд дар Стратегияи миллии рушди маорифи Ҷумҳурии Тоҷикистон (2021-2030) ба масъалаҳои таъмини пурраи омӯзгорони ихтисосманди фанҳои тарбияи ҷисмонӣ ва омодагии дифои ҳарбӣ, равоншиносон барои муассисаҳои таълимӣ, ба роҳ мондани омӯзиши забонҳои русӣ ва англисӣ барои синфҳои якум дар муассисаҳои таҳсилоти миёнаи умумӣ, сохтмони пурраи муассисаҳои таълимии садамавӣ, муҷаҳҳаз гардонидани озмоишгоҳҳои фаннӣ ва синфхонаҳои компютерию лингофонӣ, аз акрредитатсияи байналмилалӣ гузаштани муассисаҳои таҳсилоти олии касбӣ таваҷҷуҳи бештар зоҳир намоем».
Зикр гардид, ки Ҳукумати малакат ба ҳалли масъалаҳои марбут ба некӯаҳволии иқтисодӣ ва иҷтимоии мардуми Тоҷикистон таваҷҷуҳи хоса зоҳир менамояд. Аз ин рӯ, ҳалли тадриҷии масъалаҳои иҷтимоии мамлакат яке аз самтҳои афзалиятноки сиёсати дохилии Тоҷикистон маҳсуб мешавад. Таъкид гардид, ки барои таъмини ҳифзи иҷтимоии мардум, рушди соҳаҳои маорифу тандурустӣ, тавсеа ёфтани шабакаи технологияҳои иттилоотӣ, таблиғи тарзи ҳаёти солим, таҳсили ҷавонон ва ба воя расонидани мутахассисони ба талаботи замон ҷавобгӯ, пеш аз муҳайё кардани шароити мусоиди таълиму тарбия хеле муҳим аст.
Ба иттилои манбаъ, ҷаласаи мазкур ду рӯз идома ёфта, иштирокдорон дар бахшҳои алоҳида маърӯза хоҳанд кард.
СОЛҲОИ РУШДИ САНОАТ. Коргоҳи дӯзандагии Литсеи касбӣ- техникии ноҳияи Шуғнон хонандагонро бо либоси мактабӣ таъмин менамояд
«ТОҶИКИСТОН-ПЕШОҲАНГИ МАСОИЛИ ҲИФЗИ ПИРЯХҲО ДАР ҶАҲОН». Дар ин мавзуъ машғулияти омӯзишӣ гузаронида шуд
Дар Душанбе Конфронси миллӣ оид ба ҳалли масоили зӯроварии гендерӣ баргузор шуд
Дар Душанбе вобаста ба роҳу усулҳои пешгирии коррупсия дар соҳаи тандурустӣ машғулияти омўзишӣ доир шуд
Меҳринисо Тухтабоева: «Ифтихормандам, ки 6 писарам дар сафи Қувваҳои Мусаллаҳи Ҷумҳурии Тоҷикистон хизмат менамоянд»
35-СОЛАГИИ ИСТИҚЛОЛИ ДАВЛАТӢ. Дар деҳаи Чорбоғи шаҳри Панҷакент бинои беморхонаи минтақавӣ сохта мешаванд
Вазири тандурустӣ ва ҳифзи иҷтимоии аҳолӣ бо фаъолияти Беморхонаи марказӣ ва Маркази саломатии ноҳияи Хуросон шинос гардид
Дар Кӯлоб ҷиҳати баланд бардоштани маҳорату малакаи роҳбарии занон конференсияи илмӣ — назариявӣ доир шуд
Муассисаи давлатии нигоҳдории роҳҳои автомобилгарди ноҳияи Ховалинг ба мавсими сармо омода аст
35-СОЛАГИИ ИСТИҚЛОЛИ ДАВЛАТӢ. Дар ноҳияи Рӯдакӣ Маркази ёрии таъҷилӣ бунёд мегардад
Намояндаи Тоҷикистон дар 5-умин Конфронси вазирони меҳнати Созмони ҳамкории исломӣ дар Озарбойҷон иштирок намуд
Парафшонии Парчами давлатӣ моро ба сӯи дастовардҳои навин ҳидоят менамояд,-бардошт аз ҳамоиши тантанавӣ дар Суди Олӣ
