Дар Ҳисор гузаронидани ҳашарҳои дастҷамъона ба ҳукми анъана даромадааст

ДУШАНБЕ, 04.06.2019 /АМИТ «Ховар»/. Дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон бо мақсади дар сатҳи баланди маънавию ташкилӣ таҷлил намудани ҷашни таърихии 30-солагии Истиқлолияти давлатии Ҷумҳурии Тоҷикистон корҳои ободонию созандагӣ дар ҳудуди шаҳри Ҳисор  вусъати тоза  касб кардааст.

Дар ин росто ҳар ҳафта рӯзҳои истироҳат  дар тамоми маҳаллаҳои шаҳри Ҳисор  гузаронидани ҳашарҳои дастҷамъона ба ҳукми анъана даромадааст. Дар рӯзҳои истироҳатӣ  сокинони деҳаву маҳаллаҳо ба ҳашар баромада, барои  тозаву озода нигоҳ доштани кӯчаву хиёбон ва маҳали зисти худ корҳои назаррасро ба анҷом  мерасонанд.

Аз ҷумла, дар шоҳроҳи Душанбе – Турсунзода  чунин ҳашари дастаҷамона   гузаронида шуда, дар заминҳои шафати роҳи мазкур  гулу буттаҳои ороишӣ шинонида шуданд. Сокинони  талош  доранд, ки ҳар ваҷаб заминро   самаранок истифода  баранд. Сокинони шаҳр  азм доранд, ки сарзамини аҷдодии худро чун макони сайру сайёҳат ва дорои беҳтарин  манзараҳои табиат ба сайёҳону меҳмонон   муаррифӣ намоянд.