Дар Ваҳдат ҷавононро аз мақсадҳои ғаразноки ҳизбу ҳаракатҳои экстремистӣ-террористӣ огоҳ намуданд
ВАҲДАТ, 04.06.2019. /АМИТ «Ховар»/. Дар Коллеҷи тиббии шаҳри Ваҳдат бо иштироки намояндагони ҳифзи ҳуқуқ ва омӯзгорону донишҷӯён ҳамоиши васеъ таҳти шиори «Терроризм ва ифротгароӣ ҷиддитарин проблемаи инсоният» баргузор гардид. Ҳамоиши мазкур бо мақсади татбиқи Стратегияи миллии Ҷумҳурии Тоҷикистон оид ба муқовимат ба экстремизм ва терроризм барои солҳои 2016-2020 ва пешгирии шомил гардидани ҷавонон ба ҳизбу ҳаракатҳои ифротӣ роҳандозӣ гардид.
Тавре ба мухбири АМИТ «Ховар» муовини директори коллеҷи мазкур Шоира Абдураҳимова иттилоъ дод, дар ҳамоиш масъулин ба донишҷӯён дар мавзӯъҳои шомилшавии ҷавонон ба ҳизбу ҳаракатҳои экстремистӣ-террористӣ, изҳори пушаймонии нафароне, ки дар ҷангҳои Ховари Миёна иштирок кардаанд, хатари терроризм ва экстремизм ба амнияти Тоҷикистон ва ҷаҳон, таҳти назорат қарор додани рафтуомади муҳоҷирони меҳнатии мавсимӣ, ҳамчунин дастовардҳои солҳои соҳибистиқлолӣ, таҳкими ваҳдату якдилӣ, иҷрои корҳои ободонию созандагӣ дар чаҳорчӯби таҷлили ҷашни 30-солагии Истиқлолияти давлатии Ҷумҳурии Тоҷикистон ва дар рӯҳияи хештаншиносию ватандӯстӣ тарбия намудани фарзандон ибрози назар намуданд.
Баромадкунандагон зикр карданд, ки ба қадри сулҳу оромии Тоҷикистон бояд бирасем ва онро чун гавҳараки чашм ҳифз намоем. Ҳамин сулҳу субот аст, ки сол ба сол мамлакати мо рушд меёбад ва ба мардум зиндагии арзандаву шоиста насиб мегардад. Шукри Ваҳдати миллӣ, ки имрӯз мардуми Тоҷикистон ба созандагию ободкорӣ машғул буда, барои ояндаи дурахшони Ватан заҳмат мекашанд.
Таъкид гардид, ки имрӯз мо тавассути оинаи нилгун ва дигар расонаҳои хабарӣ мебинему мехонем, ки дар давлатҳои ҷангзада чӣ қадар кӯдакон ҳалок гардида, ранҷу азоб доранд. Ин ҳама бадбахтиву даҳшатро ба сари ин кӯдакони масъум ана ҳамин аъзоёни ҳизбу ҳаракатҳои экстремистӣ-террористӣ овардаанд.
«Аз ин рӯ, кӯшиш намоем, ки наврасону ҷавонон ба доми ин ашхоси ҷангҷӯ ва сияҳкор наафтанд. Ҳар амали фарзандонро бояд таҳти назорати ҷиддӣ қарор диҳем ва наврасону ҷавононро аз мақсадҳои ғаразноки ин гурӯҳҳои ҷангҷӯ воқиф намоем. Ба илмомӯзии фарзандон бештар аҳамият диҳем, нагузорем, ки онҳо вақти худро беҳуда сарф намоянд», — хулоса карданд иштирокдорони ҳамоиш.
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
